機票


歐洲,小時候夢寐以求的旅遊勝地,雖然之前因工作關係曾經到訪,但最近襯歐元下跌 (之前去是(HKD13:EURO1 的,用餘的幾百歐蝕慘了),機票大幅下降的時間,把握機會購買 Emirates 的機票,跟太太來個歐洲蜜月假期。由於之前所以的住行都是公司幫忙處理,沒有太認真了解這個地方,當要自遊行作準備的時候,才發現去歐洲要準備的事情特別多,所以就在此好好筆記著,等網絡同路人可以參考用 機票: 是次我們選擇了 Emirates 亞聯猶航空,除了因為它價錢吸引,multi destination/ open jaw 由意大利羅馬入境,西班牙巴塞隆拿離境連稅只需 HKD5,000,雖然必須經由杜拜轉機,總飛行時間約14小時左右,但全程乘搭空中巴士 Airbus A380 還算輕鬆,轉機等候 4小時或上還有餐券免費提供,於杜拜吃個早餐,到免稅店走走其實時間很快就過,唯一美中不足是它們提供的飛機餐味道及空中服務員服務質素一般   酒店: 首先來到羅馬的酒店(大部分歐洲國家都應該適用),千萬不要以你認識的酒店二字來評核,因為它們可能是賓館的訛稱,如果沒有心理準備的話,你的落差會很大。這次來到歐洲差點中伏,先是預訂酒店房間的質素跟網上圖片落差極大,首先基本的整潔都稱不上,當中洗手間跟淋浴間分開,淋浴間就在床邊,時鐘酒店也沒有採取這後現代式的智障間隔吧。 另外,在離到埗前數小時,收到酒店電郵說因為人為錯誤,它們房間 over book 了,會安排我們去火車站 15-20分鐘的另外一家友好酒店住宿。親,我們是跟 Agoda 訂房間,全數付款及收到確認的,還有選你是因為地利因素,離火車站只有5分鐘路程,這個安排有夠特別 另外,意大利酒店的洗手間會有2個特別的設備 1) 2個坐廁,或一個坐廁旁加個花灑,由於意大利冬天天氣寒冷,怕冷的他們不是每天都洗澡,沒有坐廁背的那個馬桶狀的東西是他們清洗屁股用的,千萬不要在此如廁,否則清潔的房間助理有夠慘 2) 白色掛架,同樣,怕冷的意大利人會於廁所安裝發熱的毛巾掛架,普遍都是白色,於他們沖涼後有溫暖的毛巾擦乾身體。而這設備對背包客用途甚大,因為自行洗衣服後可以借助它作乾衣用途,是次旅程共14日,總沒有可能帶夠14天的衣服吧,把衣服放在暖毛巾掛架一晚,衣服就乾透了,有夠方便 餐廳: 意大利一般餐廳如果堂食都會有附加費用 […]

歐洲蜜月旅遊準備篇攻略分享 (意大利+ 西班牙巴塞隆納)


6
去旅行,如果唔係揀廉航的話,香港人首選一定係國泰航空Cathay Pacific,而星加玻航空Singapore Airlines唔係次選都會係三甲,但今次飛往巴塞隆納Barcelona MWC工幹既經驗,個人對星航既感覺就好壞參半。 先講去程,坐星航由香港飛巴塞,就要由星加玻機場轉機。由於航班延誤,飛抵星加玻機場後,距離另一班航機起飛既時間只相差5分鐘。一落機,星航工作人員就安排機場高爾夫球車,接載DY奔馳十幾廿個閘口後進行安檢後,然後飛奔上機。雖然人就安然上機,但行李就轉唔切,所以上機後第一件事,就要決定到底要人到巴塞行李唔到,定係攬住行李係星加玻滯留。由於已經DELAY了不少,空中小姐慷慨地叫我於1分鐘內作決定,咁既然於巴塞既酒店同行程都訂好了,就緊係照樣出發啦,留係星加玻有金執麼?! 飛行過程中,與聯合航空United Airlines比較,星航的座位較為寬闊,起碼都唔會”頂腳” ,而且空中服務員服務態度良好,零食小吃供應都充足,而且每個座位都有獨立顯示螢幕,對坐長途機的乘客黎講無一不重要。 抵達巴塞隆納機場,就走去claim 保償,星航當地既行李保償外判左比一家叫Swiss 既公司處理,工作人員了解後,得悉行李要2天後才飛抵巴塞,同行重有我老細,而Swiss出既第一口保償係Euro60 兩個人,我地即時傻眼,據理力爭下才爭取到每人安排Euro60 既保償。但到底Euro60足唔足夠呢? 好明顯係歐洲係完全唔足夠的,既然果Euro60係用黎保償行李既延誤,我地就以於歐洲買衣服既消費作定奪 – 於一般時裝店,一件衛衣Euro25,一條褲Euro30,一件底衫Euro10,一條內褲Euro10,一計數就知唔夠洗。行事緊慎的我,緊係SEND EMAIL 比星航查詢可唔可以補水啦,但果邊就冇回覆。雖然有買旅遊保險,但CLAIM過保險既人都知道,保險公司擅長打持久戰,等得佢地批都冇一年都有半載。最後,由於係當地人生路不熟,搵唔到地方買內衣褲,結果做左電波少年,一套內衣褲著左3日。 以上經驗,已令本人對星航既感覺打左個折扣,咁回程又會係點呢。 回程時,一坐下便發現座位的顯示螢幕壞左,不能運作,待飛機起飛及安頓之後,就告知空中小姐,空中小姐回應可能系統有問題,要重新設定,需時約10分鐘。10分鐘過後,空姐再過來查詢,螢幕依然未能運作,她便著回去再檢查一下,上述不停重複又重複,如是者,飛機便飛行了2個小時。過後,有另外一位空中小姐過來跟進事情的進度,她得悉螢幕問題亦仍未解決,便建議我到後排吉位就坐。DY執拾好個人物品後便懷著希望既心情向新座位進發,到達後發現空中小姐安排的座位上有個手袋,相信是中排三連座的外籍女士所擁有,DY就誠懇地解釋轉位的原因,希望她能配合,但外籍女士稱她一定要橫卧就寢,不然便沒法入眠,我回應她說是空中小姐安排的,她不作回應便閉目作息,我當時真係企左係度。失望的我唯有懷著失落回到原先的座位,空姐見狀就上前詢問,我亦如實相告。及後,空中小姐謂已經與另一位乘客溝通,有位與女伴乘坐WINDOW SEAT的好心乘客並不介意多一位座上客,稱今次我不會再吃羹。就係咁,DY再次拿起個人物品,再次滿懷希望向新座位進發,到達發現好心乘客是位傳統美國人(沒有種族歧視),DY盡管坐下,身材頗為龐大的他好明顯已盡量遷就我,但無論如果他的手臂始終都會塞進我的座位上,DY雖然身材偏廋,但由於自小醉心運動,肩膀還是比較寬闊,加上我倆身高應該都有180CM上下,雙腿的擺放,我諗蘇文峰都度唔掂。但眼見旁邊是位好心人,冇理由一坐低係轉位令佢難堪(個人幻想已而),所以當空姐再三查詢是否滿意時,我沒有再要求換位,只冷冷地說聲OK,但心底裡卻是十分想轉座位的,因為空間實在太擠迫,不單我一個難受,我相信好心人亦是。可能就是那個冷冷的OK,空中小姐竟然知道我的心意,轉頭說有另一個座位空了,旁邊也是吉的,問我是否想再次調位,我怕蘇州過後冇艇搭,立刻對呢個突如奇來的窩心建議示好。雖然新座位個EARPHONE位置失靈,雖然我的手提行李要放在新座位前十幾行,但我已經倦了再轉位置,也不想再麻煩空中服務員了,我選擇了於飛機上更新博文及休養生息。 說真的,是次行程經驗不太滿意,因為個行李於回程時甚至被掟爛埋,又要CLAIM,真係麻煩。不過,當果位空中小姐留意到我心底願望果一刻,善忘既我就抺晒所有唔開心既經歷,重覺得星航服務係優秀的,只係硬件上還有進步既空間,所以,下次有機會都會比多次機會星航 XP (所以話,做服務業既真係一個動作可以改變一切)

論盡星加玻航空公司 Singapore Airlines


為左平衝工作同生活之間既壓力,每年都會同女朋友出外走一走,叉叉電。 今年我地選擇左12月去泰國,主要原因有2個: 原因1 – 未去過, 原因2 – 聽聞D野好平,可以瘋狂購物同瘋狂吃喝!! 每次出發前都會做D資料搜集,大概有下面幾樣啦,希望幫到D有同樣問題既朋友: 1. 季節 12月至2月係一般泰常客認為去泰國最好既季節,一來天氣冇咁熱(日間一般都係26-28C 左右),二來雨水都較少,好似我地8日既行程入面,只係係第一日落左個幾鐘頭大雨,其餘時間放晴,心情因此都會好D,我地為左同時避開旅遊旺季,所以選擇左12月頭出發。 以下係香港天文台關於曼谷氣候既資料:     2. 旅行社自遊行套票(package)定online package (e.g. priceline, zuji etc.)好? 搵邊度買機票同酒店係用左最多時間既一環,當然你有錢既可以是但搵一間旅行社買套票搞掂,不過你要有心理準備可能要比多人地20-30%左右,我寧願慳返D錢係果邊食左去好過。 食得咸魚抵得渴,要慳錢就咩都要搵下格價,大型小型旅行社,網上旅行社(priceline.com, zuji.zom, cxholidays.com, cathay pacific 既fanfares) 都比我搵晒,但都係比我地budget貴左D。經過左一輪地毯式搜索,最後發現自己去Hong Kong Airline同Agoda.com book 最平。一般旅行社當時3日2夜套票連稅大約每人$2800左右,而我地就大幾每人$2200左右(與同級3星酒店比較),一人慳$600,兩個人就慳左成$1200!! […]

泰國曼谷- 華欣8日叉電之旅 – 準備篇