日出


天氣反常,明明已經來到1月份,天氣熱得外套大褸都無用武之地,到底香港還有沒有冬天呢?!但對於愛運動的健康人士來說,持續秋天的天氣反而更適合做運動,不太熱,不太冷,會流汗排毒又未至於汗流浹背,特別是行山登高遠足。除此之外,最近比較流行睇芒草,比較有名的便有大嶼山大東山,但難度聽聞不少,故上網找尋合新手的路段後,發現馬鞍山昂平亦隱藏著一片芒草,而且馬鞍山比大嶼山也較近市區,所以元旦日就連同朋友們一起出發登高去 馬鞍山昂平比較貼近市區,除了可以乘坐港鐵來到馬鞍山鐵路站外,住港島東區的朋友可以乘坐682號巴士前往,由於巴士由東區海底隧道經大老山隧道往沙田方向,比港鐵不斷轉線來得方便快捷。為配合香港 long D的朋友,今次介紹會以港鐵馬鞍山站為起點,大家可以選擇以步行或轉乘NR84號專線小巴前往中間點(Check point) 馬鞍山郊野公園燒烤場,NR84其實可以上到更高的地方,但這樣完全沒有行山登高感,只屬呃like人仕專門,個人不建議 如選擇步行走過去的,可以從上面地圖A點,即是經新港城第三期向耀安邨方向,來到B點的Shell 蜆殼油站之後左轉便可 左轉後是車路及行人路,因為還沒有進入公園範圍,但朝這方向沿馬路行便可 走到這邊便是入口,是人車共用的路程,其實沿路上昂平近7成路段都是車輛可使用的,對想呼吸新鮮空氣的朋友來說是滋擾的 剛才提及過馬鞍山郊野公園,內裡有公園遊樂設施及燒烤場,但目的地不是這裡唷 這邊人車都是超多的,想駕車過來的朋友要早一點 上昂平的路徑是馬鞍山郊遊徑,跟郊野公園內的馬鞍山家樂徑不一樣,大家千萬不要走錯,因為家樂徑是圍繞山邊走個圈,最後會走回起點的 只要不走入郊野公園,一直沿車路石屎路走,在路旁都有馬鞍山郊遊徑的路標 要知道走對路沒有,就是靠這條橋了,下面是條似溪像河的水路,沿路聽見流水潺潺的聲音便對 一直沿路走到此路標,就證明目標昂平就在前面,指示牌旁有個涼亭作休息用途 之前略略提及過,此路段大部份都是人車共用的石屎路,在後段才有石路及山路可行,而其實當你在行山的時間不斷有車輛要求讓路及排放著廢氣,對行山人士來說絕對是滋擾。過了涼亭後的路段,山路已經有點風化,走起來會較滑,所以要份外小心   除了馬鞍山郊遊徑,麥理浩徑4段都可以前往昂平觀景台,仰望大金鐘山頂 從昂平觀景台看,可以俯瞰沙下,西貢及西貢灣等美景,加上這裡十分當風,吸引不少人前往玩滑翔傘,十分刺激 昂平平原同時是露營熱點,但比較不合新手,因為附近配套較少,而且沿路都是風化石路,揹著大量營具下山會較吃力 說好的芒草就找不到,可能時節關係,但禾稈草是另一種風味吧 下山坡的路線 (往西貢方向)難度不少,因為風化程度比上出嚴重,所以走在沙石之間會較易滑到,如果是一家大細的家庭,可以選擇回頭路,乘坐小巴回程,可以節省上面2/3 的路段 如果大家準備由上述路段,由馬鞍山上昂平,終點設於西貢的話,時間需要預算足夠,是次我們一團人大約2時30分於馬鞍山出發,於 2個check point 太約休息5分鐘,於昂平原地拍攝及欣賞風景30分鐘為例,在下山的半路太陽己經下山,黃昏美景雖然吸引,但山徑是沒有街燈的,入黑行走要比格外更加小心,最後走到大水井及北港凹的公共廁所時大約7時30分,建議中午前出發比較安全。 新手們建議乘坐小巴到山上作起點,會比較輕鬆,而一般人士走畢全程5小時的行程,是比較吃力的一項挑戰。  

[週末好去處] 元旦日跑上山,說好的芒草呢?! – 馬鞍山郊野公園昂平遊


14
做完手術後身體處於養尊處優既狀態,雖然體力依然未100%回復, 但身上面既傷口都叫做埋左口,可以出街行下, 之前見到有BLOGGER 去左啟德郵輪碼頭公園,見到個可以席地而坐既草地, 加埋個無敵日落海景,就去HEA下啦!! 不過啟德碼頭10月尾先對外開放,交通配套極唔完善, 除非有郵輪泊岸會有商場接駁巴士,如果唔係星期一至六只有係九龍灣德福廣場搭86號小巴(車資$5),星期日及公眾假期會有特別巴士由牛頭角/ 觀塘開出 啟德郵輪碼頭公園位於九龍啟德承豐道33號啟德郵輪碼頭頂層平台, 由康樂及文化事務署負責管理,開放時間為每日上午7時至晚上11時, 但注意,86號小巴最後服務時間只係去到晚上8時,唔係揸車既朋友記住睇時間!! 落車既地方唔多人,車就更加寥寥可數 呢個冇咩光既地方就係入口喇 搭電梯或者升降機就可以去到目的地平台公園 雖然公園已經開放左比公眾,但好多地方都未搞掂,好似有好多升降機重未用得 除左公園係見得下人之外,好多地方都重有工程 雖然啟德郵輪碼頭未100%完成公程,但個公園都見得人,人流唔算多 公園入面都有唔少草地比遊人席地而坐,對住個海既草地,正 花花草草種類唔算多,但係就好少大樹,唔想遮住個海景掛 迷你噴水池,小朋友至愛,帶小朋友既家長記得帶多件衫黎換喇 一頭行去一尾唔太遠 唔知係咪升旗既地方 呢邊望過去應該係鯉魚門方向,下面又有草地,唔知遲D 會唔會開放 入親黎既人都好hea,好休閒 公園汽水機唔多,飲水機都唔算多,不過有咁多草地,買多D野食同飲品黎野餐好過啦   至鍾意玩剪影 日落影集XP 留到月亮都出都唔捨得走 走果時就麻煩喇, 6點幾撞正工地工友放工, 遊人睇完日落都陸續散去, 而大家見呢個咁既場景,就知冇車走啦, 等左成超過40分鐘先有小巴可以走, […]

啟德郵輪碼頭公園初體驗