吹水


呢幾日轉天氣,濕度勁高,今日最高濕度去到成100%…..潮潮濕濕既天氣已經唔太舒服,但最重要係呢個天氣好惹蚊 我屋企屬於低層,蚊患特別嚴重,亦因為咁……一場世紀大戰於昨天晚上一觸即發 話說琴晚零晨4點幾比隻蚊咬整醒左…… 佢係咁係我耳邊盤旋…….”eeeeeeeeee”好煩…….趕極都唔走 之後重變本加厲……咬左我6 – 7啖…… 粒粒勁大…..額頭有,手又有,腳又有,總之身上冇布既地方都咬勻~~ 所以我決定同佢死過……..唔殺死佢不成仁….. 終於我開晒d燈同佢係一間50尺既密室入面決一死戰…. 首先……我用左十幾二十分鐘聚精會神咁尋找佢既蹤影….. 我懷疑佢應該係一隻進化左既變種蚊……竟然識得隠藏係窗口窗花既底wo……勁刁鑽 一般人係未必察覺到….可惜佢今次既對手係我 – 殺蚊獵人 見到佢係度休憩咁清閒…….. 我就知道最佳既殺機到了….. 我左手用殺蚊水一噴….佢一飛想逃走… 我一個右手將佢拍死 (冇錯..係單手)……手上除左有佢既遺體之外….. 重有4 – 5 滴鮮血…….一定係我既血呀 大家諗下…佢既身型有4 – 5滴血……即係佢吸左自身4 – 5 倍身型既宵夜…… 洗唔洗咁大食呀….. 佢既離去….令我得知安眠既時間終於來臨.. 但結果係…..因為我太全神貫注去捉佢既關係…… 搞到精神過度失眠了….. 完 […]

當熟睡男遇上吸血蚊


唔知大家食完午餐之後通常會做咩呢?! 筆者平日會帶飯返公司食(健康又慳錢) ,加上辦公室係工廠區,所以冇咩世藝可以做。 以前入職果時就會睇下報紙 (岩岩畢業,精力足沛MA); 過左1-2年後就唔睇報紙,上網睇下野算數(討論區,財經網等 – 總知就正經網啦); 再過多1-2年後既今日,就要午睡了 (人大了,睡眠時間大減,明明好攰好眼訓的,但卻偏偏訓唔著,平日如是,假日亦然,生理時鐘好像被上鎖了似的,好慘,所以要爭分奪秒用黎訓覺) 所以想係度睇下有咩午餐後既活動係最多人做既,睇下下面有冇講中大家既,盡情留言吧~ 1) 午後睡一睡,好過做元帥 – 食完飯緊係叉一叉電啦,咁樣之後做野先會事半功倍 2) 飯後上個網,馬騮變金剛 – 食完飯爭取時間上網,增加唔同層面既知識,咁樣開會先多話題,老細既引像分一定加唔少 3) 趁機SHOP個PING,時髦又有型 – 有機會緊係鼠出公司啦,留多公司一秒都隨時有生命危險 4) 做到無停手,食晏冇得唞 – 做野做到天昏地暗,廁所都冇時間去,何況食LUNCH 唔知大家係邊類既朋友呢,有工作冇工作既朋友都可以分享下WO 不過希望大家唔會係第4類啦,正所謂 Work – Life Balance ma,有工作時,都要有生活,唔食野點生活生存呢?! 睇完記住食野喇 […]

推你要在午餐後


唔知大家有冇好似筆者咁,一出雙糧就身痕?! 加上宜家周圍都有大減價,痕癢程度真係同比蟻咬冇分別~ (救命呀,唔好咬我呀,我要儲錢買樓上車) 筆者係個正宗籃球迷,中學時代已經開始打波,日打夜打,為求賺取女同學既打氣聲 開始左打工之後,盡量維持每星期都打一次波既習慣,為求阻止那條擾人既”士啤軑”攻佔我完美既身段 睇完之後,大家就會覺得我上個星期買左對籃球鞋係幾合情合理同合法 (我就係咁同女朋友求請),哈哈 不過今次介紹比大家識既籃球鞋,主要係想比大家知道宜家既波鞋發展到咩程度~ 首先大家要知道宜家人類既思想同上一個年代係有少少逆線行走,例如90年代手機愈出愈細,宜家D手機就愈出愈大,大到一隻手都揸唔晒就好。同樣,籃球鞋都一樣,以前既鞋好死重,感覺好實在,宜家D籃球鞋就好鬼輕,輕到你著左都唔知。 其實買新鞋既時候我係睇左2對既: Adidas Adizero Crazy Light 同 Adidas Rose 773,2對都係以輕聞名。 Adizero Crazy Light 2 只重270克,是adidas男裝新一代的最輕的籃球鞋。 改良化的 SPRINTFRAME及SPRINTWEB 提供穩固的支撐,EVA緩衝設計可減輕著地時的壓力 大家冇睇錯,對鞋真係得270g,輕到難以想像。 大家可能會問,270g 有幾多有幾重??得我簡單解釋下: 平時旺角夾糖$4.5/ 100g = 即係你夾多過$12.2 就重過呢隻鞋 OMG […]

無聊之霸系列 – 球鞋篇



相信大家都有睇過《志明與春嬌》 入面嘅內容都幾寫實,不過今次唔係寫影評,只係想引用入面余文樂嘅一句對白: 朋友話我係中學之後就冇長大過!! 我諗大家一定好認同,特別係女士們!!  無錯,唔知點解,男士們對玩具係情有獨鐘,個道理就如我地唔明解女士做咩需要咁多個包包一樣,其實根本唔洗明,只要唔係太沉迷的話,就let go 啦,咁樣有寄託嘅生活先有意思。 筆者既係男士,又有無聊之霸之稱,最無聊搞野既新潮玩物我都好留意,雖然未必樣樣野都會買,但係唔買都會介紹比身邊朋友,務求sell到佢地買完再逆權侵佔,樂趣更甚。 今次介紹嘅係太空死光槍一支,喺琴日路過銅鑼灣 times square log-on見到,佢唔只係一個槍型嘅鎖匙扣,而且重可以發出”蕉蕉蕉”嘅激光聲,講到咁吸引,緊係二話不說就購為己有啦,哈哈哈。 死光槍鎖匙扣   拿拿拿,大家見下面經典外星海報都係用呢支死光槍,就知呢支槍來頭唔細,完全冇理由唔買!!   最後,我終於開左個FACEBOOK PAGE,平時都會睇下我既朋友不妨LIKE 一下, 果邊既更新會快D 同密D KA,多多支持~ 捌拾後 Promote your Page too

無聊之霸系列 – 死光槍