I ♥ HK


5
  說真的,由YAHOO BLOG 搬家到BLOGSPOT 之後,寫BLOG 的動力減弱了, 可能YAHOO BLOG 比較像一個團體,BLOGSPOT比較像一個個體, 人在荒島自然會失魂落魄,但最近,捌拾後DY再次收到公關的電話,才驚醒自己的博文重有讀者留意的,就係呢個原因,我決定重新整理呢度,重拾寫文章既樂趣,大家記得多多支持!!     如果派 – 真人冒險遊戲   逃出遊戲玩得太多,由最初被鎖起個密室入面,要解謎逃脫 ; 到逃出遊戲加偵探元素; 真係諗唔到重有咩野可以加入去,而且逃脫遊戲愈開愈多,獨特性開始減少,對呢類遊戲既興趣亦隨之下降。但好在,MR. ESCAPE 佢地有自己既專業設計團隊,不斷加入大家意想不到既新元素,令玩家每次試玩都充滿驚喜,所以去之前都充滿期待。   如果派有別於一般傳統逃出遊戲,首先範圍大左好多。如果派共有6層3個遊戲,每個遊戲各佔2層,大家既遊戲範圍唔再局限係單單一個密室入面,而要係2個樓層當中唔同既關卡裡面接受不同任務,過完一關接一關,以收集積分去計算玩家成績。而且,傳統既逃出遊戲,你一解唔到一個謎團,你就會企左係度,被迫困獸鬥,但如果派就唔同,每個關卡都有時間限制,一個任務失敗左都唔會影響下一個任務。 首先介紹下3個遊戲故事背景   如果大冒險   近日世界各地天災接二連三地發生,太平洋海底多處亦有地震,沉睡多年的富士山突然爆發、陸沉加速令所有低窪地帶隨時被淹沒,地球快將毀滅! 與此同時,早前被人類發現的百慕達海底水晶金字塔忽然無聲無息地浮上了海面。有傳這金字塔與消失的文明-亞特蘭堤斯有莫大的關連。 當你還在 沉思當中關連時,你的特務手錶已經浮現出new mission,而你的新任務就時探索這神秘的遺址!但原來等著你的,是一個危機四伏、機關處處的冒險! Mr. Vampire 傳說1433年的羅馬尼亞,住了一個以鮮血為食的吸血鬼-德古拉伯爵。 一天晚上,伯爵外出覓食時,在橋頭上發現了一名少女,正當伯爵想咬少女以吸取鮮血時,少女卻即場被嚇暈。伯爵隨手抱起少女,突然時間慢了,莫明奇妙的感覺出現,伯爵很久沒跳的心、竟然開始跳動起來。 […]

真人冒險遊戲 – 如果派 試玩報告


14
做完手術後身體處於養尊處優既狀態,雖然體力依然未100%回復, 但身上面既傷口都叫做埋左口,可以出街行下, 之前見到有BLOGGER 去左啟德郵輪碼頭公園,見到個可以席地而坐既草地, 加埋個無敵日落海景,就去HEA下啦!! 不過啟德碼頭10月尾先對外開放,交通配套極唔完善, 除非有郵輪泊岸會有商場接駁巴士,如果唔係星期一至六只有係九龍灣德福廣場搭86號小巴(車資$5),星期日及公眾假期會有特別巴士由牛頭角/ 觀塘開出 啟德郵輪碼頭公園位於九龍啟德承豐道33號啟德郵輪碼頭頂層平台, 由康樂及文化事務署負責管理,開放時間為每日上午7時至晚上11時, 但注意,86號小巴最後服務時間只係去到晚上8時,唔係揸車既朋友記住睇時間!! 落車既地方唔多人,車就更加寥寥可數 呢個冇咩光既地方就係入口喇 搭電梯或者升降機就可以去到目的地平台公園 雖然公園已經開放左比公眾,但好多地方都未搞掂,好似有好多升降機重未用得 除左公園係見得下人之外,好多地方都重有工程 雖然啟德郵輪碼頭未100%完成公程,但個公園都見得人,人流唔算多 公園入面都有唔少草地比遊人席地而坐,對住個海既草地,正 花花草草種類唔算多,但係就好少大樹,唔想遮住個海景掛 迷你噴水池,小朋友至愛,帶小朋友既家長記得帶多件衫黎換喇 一頭行去一尾唔太遠 唔知係咪升旗既地方 呢邊望過去應該係鯉魚門方向,下面又有草地,唔知遲D 會唔會開放 入親黎既人都好hea,好休閒 公園汽水機唔多,飲水機都唔算多,不過有咁多草地,買多D野食同飲品黎野餐好過啦   至鍾意玩剪影 日落影集XP 留到月亮都出都唔捨得走 走果時就麻煩喇, 6點幾撞正工地工友放工, 遊人睇完日落都陸續散去, 而大家見呢個咁既場景,就知冇車走啦, 等左成超過40分鐘先有小巴可以走, […]

啟德郵輪碼頭公園初體驗


1
上回講到,行完灣仔《動漫基地》之後,就去左金雀餐廳食晚飯,果間2046都去取境既懷舊扒房,食親呢D老式扒房,都係對個餐包回味無窮之後就去左銅鑼灣時代廣場影高達,老實說,我同高達唔係好熟,大家冇咩交情,純粹因為八卦去睇下, 上次黎淨係得高達,宜家所有部隊都黎齊, 我識既高達,渣古同木馬號都已經出動, 既然我都唔太熟GUNDUM, 廢話少講,去相: 其實YAHOO 個BLOG 係唔係已經荒廢左?! 人氣精選都已經成個月冇更新, 小編又潛左水, 眼見有D BLOGGER開始跳船, 係咪都要PLAN下呢?!

高達大軍進駐時代廣場



返左新工作一個星期,宜家重適應緊新環境, 由於轉左FIELD 既關係,咩都要重新學過, 之前累積既經驗用唔上場,要過返FRESH GRAD 時候既白紙生活, 心情唔太好受,試問有誰喜歡無知既感覺,至少男生唔會, 以前寫REPORT熟練既讚賞,變成現在處處碰壁, 希望黑暗時間快D過去,等我可以過返D正常生活~ 由於現時處於學習階段,晚晚OT冇得走, 所以UPDATE BLOG 會慢少少,但我會繼續努力既, 上星期話說我去左睇本地原創的無對白動作喜劇《打轉教室》, (有LIKE我FACEBOOK既朋友應該都知,未LIKE 既就LIKE 一下支持我啦) 睇完之後諗住去睇時代廣場既高達展, 不過時間尚早,所以去左灣仔睇NOTEBOOK,(方便我可以隨時寫BLOG MA) 點知經過見到有座舊樓保育翻新了,就去左八卦下有咩睇, 原來係本地漫畫既展覽場地 《動漫基地》,等我帶大家睇下入面有咩~ 門口係永昌隆五金,感覺同和昌押一樣經典 (轉自官網) 地方都OK易搵,係灣仔英皇集團中心隔離,188 298附近,茂蘿街同巴路士街中間 展覽開放時間: 星期二至日,上午10時至晚上9時,睇完先食DINNER喇~ 傳統旋轉形樓梯,不過睇得唔用得 地下係D商品,其中一間係賣精品既,不過唔係港式,係平時果D日系美系既漫畫玩具 我地平時行街既方式都係,由頂層行返落去, 最頂層係放映屋,播緊動漫基地復修過程記錄片 去到果時都差唔多7點半,所以冇坐底睇 主樓頂層有條天橋行去另一邊大樓,另一面大樓保留大部份原貌 […]

灣仔《動漫基地》大發現


7月份真係好忙,咩都堆埋晒一齊發生, 首先係考學車筆試,再上左個游泳班學游水, 跟手重轉埋工添,而且今次唔只轉公司,重轉埋FIELD 添,由大公司轉去細公司做, 頭幾日返工好失落,完全唔知點起頭,毫無方向,日日獨自係公司戰鬥至最後, 返到屋企已經冇晒力做其他野,新聞冇留意,FB 都冇咩CHECK, 希望新野快D上手,可以過返D 正常生活~ 就係因為冇時間,宜家先有時間UPLOAD 返2星期前去既LEGO PIECE OF PEACE WORLD TOUR展覽, 果日影左好多相,差唔多每個SPOT都影左,而且去果時係9PM 左右, 人流唔算大多,加上宜家TIMES SQUARE 時代廣場有高達展,應該分流左好多人, 同埋APITA 同TOYSRUS 食住LEGO展條水,入左好多平時好難搵既LEGO 精品, 而且價錢唔算貴,好似我之前係旺角現時點買左個SUPERMAN KEY CHAIN 超人鎖匙扣$55, 太古城APITA 都係$60 ONLY,好合理,所以大家睇完LEGO,可以順手睇下有冇野岩~~ LEGO PIECE OF […]

太古城中心LEGO帶你環遊世界


MR ESCAPE 真係好強勁, 擴散速度好比細菌般漫延, 上次試玩旺角新店只不過係6月既事, 想重溫既朋友可以按下面超連結HYPERLINK 二次體驗真人密室逃脫遊戲 – Mr Escape 宜家7月佢地又有新搞作,開辦左另一間新分支- MR ESCAPE 之偵探社 玩法就係運用本身MR ESCAPE既逃脫元素,再加上扮演神探角色,分析案件, 務求係逃脫既45分鐘入面,迫使大家用盡每一分每一秒, 因為除左要搵逃出既辦法外,搵出兇手先係至棘手既難題! 今之有幸再度獲得公關部既邀請試玩, 試玩之前信心十足,因為我都叫有2次經驗 (雖然係逃出失敗既經驗), 加上我係一個電視精,TVB 果D 劇我日日都用黎送飯, 心諗法證先鋒,律政新人王同怒火街頭既案件應該為我邏輯思維打下左一定既基礎, 今次應該可以成功逃出喇掛~ 先介紹下Mr Escape 之偵探社既4個主題遊戲先: A) 音魂不散 (轉自官網)今次的受害者乃是一名著名唱片監制,屍體被發現於其錄音室內。這名DJ慣性於零晨錄音,早上的錄音室則裊無人煙。而進出這個錄音室大多數是女性,特別是一些著名的女明星。當唱片監制死後,現場被封鎖,但仍有很多女明星於晚上時份在錄音室附近徘徊。似想要拿回某些東西……你為了掩人耳目故於零晨時份潛入案發現場,解開一切謎團,找出兇器,指證一直潛伏於我們身邊的變態殺人兇手……難度: (5最高)B) 反轉照相館 (轉自官網)最近一宗兇殺案發生在一間名不經傳的影樓裡面,死者是一名職業的攝影師,是被槍殺的,並手執勞斯萊斯的資料。 […]

真人密室逃脫加偵探遊戲 – Mr Escape 之偵探社



其實我幾鍾意太古坊, 唔好以為呢個地方只係商業中心既基地咁簡單, 而係集文化同商業為一體既國度,因為佢地成日都會有D同 文化同埋藝術有關既展覽, 難得一個商業中心都咁支持文化同埋藝術活動, 作為港島人既我,經常都會去吸下文化既空氣, 今個星期去到,又有新展覽喇, 等我同大家分享下~ (轉自官網) 宜家有2個EVENT 搞緊既,分別係:   EVENT 1: 「WORK IN PROGRESS」街頭藝術展覽 9 位知名海外街頭藝術家聯同多位本地藝術單位合力為太古坊度身創作多件街頭藝術品 日期: 6月17日(星期一) 至7月7日(星期日) 地點: 港島東太古坊常盛大廈13樓 時間: 每日上午10時至晚上7時 (晚上6時30分前入場)   未去過太古坊既朋友唔洗驚迷路,因為沿途都有指示教你點行 2大EVENT既POSTER STREET ART 就緊係RAW D,記住用大廈貨物裝卸區既電梯入口進場   […]

假日好去處 – 太古坊6月大搞街頭藝術STREET ART


還記得今年一月份, 我去左體驗一個全新既真人密室逃脫遊戲 FREEING HK, 並且跟大家分享過,反應都十分熱烈, 想重溫內容既朋友,可以按下面超連結HYPERLINK真人密室逃脫遊戲 – Freeing HK 呢個逃脫遊戲近排真係HIT爆,概念全新而且獨一無二,從佢地成日爆BOOKING 既網上預約已略知一二, 不過又係既,香港娛樂唔算多,唔係唱KARAOKE 就行街睇戲,開創另類遊戲真係有機會殺出條血路來!! 講開又講,其實我同FREEING HK佢地都有D 緣份,我除左係第一批去玩既白老鼠之外, 我寫FREEING HK玩後感果篇BLOG 重成為我第一篇上YAHOO人氣既文章添 相隔幾個月重聚,發現FREEING HK既成長速度十分驚人, 本身旺角本部由3間主題房間擴張到7間不特止, 宜家逃出香港重逃出埋旺角,於尖沙咀及銅鑼灣開左分店,2間分店暫時各有5個唔同主題可供選擇,真係可喜可賀, 其實唔只開新分店,FREEING HK 最近重開多左一條新支線,叫MR. ESCAPE, 今之有幸得到公關部既邀請,親身試玩下呢條新支線~ 大家可能會好奇,逃脫就逃脫啦,邊有咩支唔支線KA,打機咩~ 其實支線係代表FREEING HK 同MR. ESCAPE既主題係會有分別既, FREEING HK […]

二次體驗真人密室逃脫遊戲 – Mr Escape


上次見BLOGGER 係青衣POST左青衣城搞既微型藝術展既相,見到D模型手工極其精細,已經好想去, 可惜見到既時候,個展覽已經完結左,心都碎埋,但近排放工途經德福廣場,見到宜家有個類似既景展,以懷舊為主題場景, 先知原來個天都幾鍾意我,比多個機會我睇一次展覽 但有鑑於YAHOO BLOG 個新規矩: 字元不能超過16000 既關係,呢篇BLOG我都要盡量少打字,就住就住, 今次主要POST 相分享下,希望YAHOO方便順應民意,取消有關規限!! 好店檔微縮景展 地點: 九龍灣德福廣場Telford Plaza1期中央展場 日期: 2013年5月17日至6月16日 時間:10AM – 10PM(轉自官網) 大坑舞火龍 糖水大排檔車仔 碗仔翅大排檔 海鮮 籠屋 僭建物 雞檔 狹小居住環境 天台屋晒衫晒內衣底褲 鵝頸橋打小人,打你個小人頭,打到你有氣冇訂抖 千奇百趣玩具店,有咸蛋超人,幪面超人,合金,西瓜波,小露寶,小飛俠,鐵甲萬能俠,塑膠玩具 街道 和昌大押,宜家好似變左做BAR 懷舊地磚 古老貨車 […]

大開眼界之 好店檔微縮景展



早排聽聞,因為酷熱天氣加上維港浪大既關係, RUBBER DUCK浮屍維港,睇見D 相真係好傷心失落, 話晒講緊係呢期香港至正面既正能量沉沒WO !! 好在我早一兩個星期前已經去左探呢隻人見人愛既膠鴨仔, 其實當我知道呢隻巨鴨會係2/5 – 9/6 黎到香港海港城展出時, (轉自官網) 內心真的無比興奮,雖然我唔記得我細個既時候有冇鴨仔陪沖涼,不過無論如何,當我見到佢個CUTE 樣果時真係一身鬆晒,STEVE JOB 話 “STAY HUNGRY, STAY FOOLISH” MA, 我就話”STAY FOOLISH, STAY CHILDISH”, 有時太聰明並不是好事,傻傻的人反而是智者, 既然認真就輸了,何不蠢蠢地過日子呢~ 講左一大堆,都係開心睇鴨相吧, 影相果日好鬼多人(其實日日都咁多人,冇人先驚),好難搵到靚位幫RUBBER DUCK影寫真,而且當日已經有少少巢皮,唔通係漏氣既症狀?!RUBBER DUCK PROJECT 1) 追鴨第一景點 – […]

遊走香港 – 日夜追訪RUBBER DUCK + 西九「M +進行: 充氣!」


我除左係一個龍珠迷之外,亦都係100%既美國英雄漫畫迷, MARVEL 同 DC COMICS 都係我至愛, BATMAN, IRON MAN, SUPERMAN, SPIDERMAN, CAPTAIN AMERICA 等無一不歡, 咁多個人物我諗BATMAN 同IRON MAN 一定係至受歡迎喇, 男既鍾意佢地夠型,女既就愛佢地又有錢又打得等到頸都長,鐵甲奇俠 Iron Man 3 終於會係4月25日於香港上畫,有冇人同我一樣等唔切呢?! 宜家有個地方比大家止一止渴~~~ 銅鑼灣希慎廣場Hysan Place將於4月5日至5月12日期間舉行「Suit Up At Hysan Place Powered by Hot Toys」展覽,展出多款HotToys專為《Iron Man […]

鐵甲奇俠 Iron Man 空降 希慎廣場Hysan Place


今個復活節日日落雨,戶外活動完全取消, 本身以為呢個長假就咁係屋企過既時候,天公就開始造美喇,終於可以出去行下, 果然係希望在明天~~ 今年年頭,望道號 – 世界最大海上圖書館曾經停泊過係海運大廈,可惜果時抽唔到時間去睇下, 好彩佢地22/3 – 1/4轉泊左係堅尼地城招商局碼頭,既然停左雨,緊係把握機會上船參觀下啦~~ 先介紹一下望道號: 望道號主要使名係傳播知識、幫助和盼望! 望道號Logos Hope是OM(福音團體)與好書共享協會(GBA Ships)目前唯一的,也是史上最大的一艘海上圖書展覽船。自2009年開始係世界各地停泊及招待人們上船購書,為要向世人傳播知識。他們的船員來自50多個不同國家的,400多位船員們來到同一艘船上做義工,宣揚愛與知識。去到唔同既國家,特別係比較窮困既國家時,船員會幫手做唔同種類既人道救援工作,例如他們曾在南美搭蓋教會、在加勒比海修建房屋水塔、在非洲重搭學校、捐贈教科文具、開放牙醫義診等等。同時,佢地亦會開放各類講座,幫助當地人增進各種當代知識,例如環境保護、認識HIV病毒等。   望道號上載有7,500多種書籍,包括家庭文學、各地食譜、專業教科書、休閒嗜好同埋聖經。為了更有效的傳播知識,在各大城市裡或許多資源難求的地區(例如南美的蓋亞納、西非的獅子山…),船上的書均以儘可能的最低的價格供應大眾。望道號也視需要而在當地捐贈書籍給教會、學校或圖書館。   聽見佢地既理想有咁宏大,就已經想上船見識下同為船員打打氣, 坐巴士到達碼頭,滿心歡喜想用部新相機影下相既時候,搵極個袋都唔見部NEX  5R,明明係防潮箱攞左出黎,唔會唔見左咁大鑊掛, 標緊冷汗既同時,即係打返屋企,原來係攞左出黎冇放到入袋,呢D 天才行為大家真係唔好學,心臟病患者需特別小心~~ 咁我又用NOTE 2 同大家直擊報導啦~~ 望道號 – LOGOS HOPE 正面 入場前要買票- 成人$10一位,小童長者好似免費 買完票就會比張宣傳單張你,簡單介紹望道號同埋船入面既地圖 好似郵輪咁上船,因為負重問題,每次最多只能上7位成人 入到去又真係有D郵輪FEEL […]

復活節的祝福 – 望道號 Logos Hope



一年一度既國際盛事 –  國際七人欖球巡迴賽( IRB7- International Rugby Seven)又黎喇, 3月終於黎到香港站喇,呢個節目每年都吸引大批人士四出撲飛, 而今年我福星高照,終於有機會入現場感受現場氣氛喇,誓要嗌破喉嚨 全場大部分觀眾都係外國人,個個扮鬼扮馬,直頭好似去左嘉年華一樣, 不過首先都簡單介紹下國際七人欖球巡迴賽先啦: 滙豐國際七人欖球巡迴賽共有9場比賽,於10月至5月期間在世界各地巡迴舉行。 代表各國既國家代表隊會於每場世界巡迴站對壘,爭奪每個地區的盃、碟、碗及盾的比賽冠軍殊榮,而參賽隊伍亦由以往既24隊增加至今年28隊,規模可以話愈黎愈盛大!! 透過9 場的賽事,以累積分數計算,最高分的隊伍就會得到滙豐國際七人欖球巡迴賽總冠軍殊榮。 2011/12國際欖球巡迴賽冠軍屬於曾經奪得10次殊榮的新西蘭,斐濟(2005/06)、南非(2008/09)及薩摩亞(2009/10)亦是贏得賽事的強隊之一。 (轉自官網) 香港站既賽事係3月22日至24日於香港大球場進行開波!! (轉自官網) 今屆比賽其實係2012年10月係澳洲已經KICK OFF,黎到香港已經係第6站,而最後一站將會係5月於英國舉行 難得有機會入場,等我分享下現場情況 未入場已經見到有人扮熊人,睇見都熱 賽事9點鐘開始,我下午3點先去到,所以入口冇咩人 大球場旁邊有D HSBC 既攤位同埋大電視,應該比D 冇飛既朋友玩下同睇LIVE 3點幾地面果層已經FULL晒,唔知點解D 人勁鍾意坐H柱位(即係足球既龍門位),我寧願坐返球場2邊,睇得清楚D 上到第2層,WOOOOOOOOO,咩叫人海,SEE,大球場唔知幾耐有呢個入座率 (轉自官網) D人堆晒係呢個位,一見有攝影機影到佢地就會瘋狂起舞 支標準鏡出盡力都係ZOOM到咁多 由上午9點不停打到下午7點…打既辛苦,打氣既都好攰 […]

2012-2013 香港國際七人欖球巡迴賽


開始左寫 blog 2個月,重未係好習慣, 唔係唔習慣寫野,係唔習慣去到邊都影低所有細節,呢樣野真係要好好改善下!!! 就好似星期三,平生第一次入跑馬地馬場,參與一年一度既 <晚氣氛十分之好(因為好多外藉人士,佢地玩得十分放),就在熱烈既氣氛醺醄下,我就只顧沈醉於美酒佳餚當中,完全忘記了blogger 要分享見聞既使命,淨係掛住飲飲食食,唔記得相多d相比大家睇下,唉, 希望大家唔好見怪 (借用馬會官網)<酒•在快活谷>係香港賽馬會其中一個重點項目,目的為吸引唔同既人走入馬場,希望佢地一邊同朋友摸下酒杯底,一邊欣賞賽馬兼投注。呢個節目於27/2,6/3及13/3係跑馬地馬場舉行,適逢星期三就係賽馬日,大家唔洗怕去到無賽馬睇。場入面有法國,意大利,阿根廷,澳紐同智利既紅酒供大家品嘗,除此之外,各式白酒啤酒及各地美食都任君選擇。 (借用馬會官網)由場地地圖所見,園內以國家為分區,中央就有個STAGE,比當晚LIVE BAND 表現,同埋進行「矇眼品酒遊戲」,測試大家對美酒的認知,決賽入圍者均可獲香港國際七人欖球賽門票兩張,優勝者可獲現金券HK$1000!唔好睇呢個入口位好似冇咩人,其實D人堆晒係LIVE BAND 區同草地附近   如果多心既話,可以買張品酒通行證,$160就可以於場內細味5種美酒款,每款細細杯咁。 唔知點樣上左去呢度,好似係對住個馬場既BBQ BUFFET,一面欣賞賽事,一面食野,多謝每位MIN CHARGE $500。 呢幾隻叫儀像馬,除左靚仔有體面之外,重可以幫佢地既馬匹朋友穩定情緒,因為有D馬會好驚見到咁多人,會失控唔聽騎師話。 呢度係沙圍,即係比D 人近距離睇下隻馬,睇下佢地狀態如何先落注。好多資深馬迷都係留連此地,睇下D馬既肌肉,有冇柯屎,有冇精神等等等等 (借用馬會官網)   最後,我去左一個叫Adrenaline 既地方,呢個好似pub 既地方超正,除左面向馬場外,重有部好似遊戲機既投注機,叫IBU,我估係INTERACTIVE BETTING UNIT 掛,好好玩,同係投注站劃飛既感覺完全唔一樣。入面重有好多電視直播賽事同更新賽事資料,如果大家唔識落注都唔緊要,因為場內有好多靚仔靚女既投注助理(堅係靚仔靚女),隨時準備解答各位問題。場內重有BUFFET,酒吧同LIVE BAND 添,簡直係HAPPY HOUR 既不二之選。場內有2種收費 […]

跑馬地馬場 酒•在快活谷 Wines In The Valley


呢個農曆新年真係忙死,放假之前日日放工執屋,放假就去拜年, 想搵日出街行下都冇時間,真陰公 琴日終於抽到D 時間,去左一個想去好耐既大型文化節目 –  西九大戲棚 2013  西九大戲棚 2013 西九大戲棚2013 絕對是今年春節假期一家大小歡度新歲的最佳節目! 今年「西九大戲棚」加推連串免費節目,包括多場青年粵劇團的演出,及香港舞蹈團的中國舞蹈表演,另外還有當代音樂演出,戲棚外加設新年市集,讓市民尋找城 市的記憶。同場將首次展出戲曲中心設計比賽的設計及模型,把萬眾期待的未來西九戲曲中心呈現在大家眼前,當然不少得星光雲集的多場經典粵劇表演。 日期:   2013年1月30日至 2月16日   地點:   西九文化區廣東道入口 (消防局側)   雖然個西九大戲棚已經完滿結束,不過都值得同大家分享下入面既節目同展覽 一入門口,就見到大大個西九大戲棚既竹棚,下面就係售票處,雖然有D 表演係免費,不過亦有D 表演節目係需要買票入場 細心D睇,西九大戲棚個棚左右都有個QR code, 方便大家即時了解更加多資訊 戲棚旁邊有個戲曲中心展覽館,展示及介紹未來西九戲曲中心既設計特色 以上係西九文化區戲曲中心未來發展既模型,個戲曲中心好似識發光咁,好新潮   竹棚望返去戲棚   […]

遊走香港 – 西九大戲棚 2013



上星期六同朋左去左玩全港第一個真人密室逃脫遊戲 – Freeing HK ,急不及待要同大家分享下~ 首先簡單介紹下咩係Freeing HK先: Freeing HK 係一個考驗智慧同膽量既遊戲,當中包括精心設計的劇情,挑戰你既智慧。起初,大家會被安排反鎖於密室入斫,之後大家就要運用智慧和觀察力,找尋綫索,係有限既時間入面(45 mins) 找出關鍵物品,發揮創意和邏輯,善加利用,逃出密室!! 目前Freeing HK分3個劇情供大家選擇: 1) 逃出香港 – 謎失凶間在一個風和日麗的下午,你在尖沙咀前往文化中心看舞台劇,忽然眼前一黑,身後有人蒙著你。你聞著濃烈的異味,漸漸失去意識……醒來的時候,你發現自己處在一片漆黑之中,雙手還被扣上手扣!發生了甚麼事?你在小小的房間中環顧四周,找不出思緒,感覺很可怕,但你已經不能顧那麼多,只知道要盡快找出方法逃出密室!人數上限: 3 人 遊戲時間: 45分鐘 2) 逃出香港 – 監獄風雲 逃?Prison Break? 這就是傳說中Dr Alpha的地下黑獄,他在這裏囚禁了很多科研專家,要進行他的瘋狂計劃,所以這裏將會陷阱處處,危機四伏……而你竟然被指派在這鬼地方救人!你還沒有機會去拒絕,因為只有你一個人能勝任此角色。但如果你被發現越獄,卻要無辜遭受牢獄之災怎麼辦?你只有一條路──趁守護輪班的途中,限時之內,完成任務,把目標救走逃出密室! 人數上限: 5 人 遊戲時間: 45分鐘 3) 逃出香港 – Dr Alpha 實驗室 […]

真人密室逃脫遊戲 – Freeing HK


Mikiki商場位於新蒲崗太子道東638號,為新鴻基地產2011年重點商場項目。Mikiki 總面積21萬平方呎,樓高三層。商場以嶄新「購物+體驗」消閑模式為營運概念,打破固有傳統,與近100家特色創意商戶及食肆,帶給你非一般的購物遊樂體 驗,讓你又玩又shop一整天。 以上係Mikiki商場於網站入面嘅簡介,睇下佢有冇咁勁之前,講下商場嘅位置先: Mikiki,日語解作”見聞”,也就是Mikiki的主題:Shopperience — Shop + Experience。 Mikiki商場地點唔算方便(特別對於筆者呢D冇車嘅港島居民),不過對於有車一族就冇問題。商場外有大約30-40 個咪錶位,於商場入面消費重有免費泊車,未必消費嘅又可以泊車喺對面嘅越秀廣場(好似$11/hr)。 作為一個新商場,必須有亮點,比人一個藉口去拜訪一下。Mikik 就以Little Twin Stars 作主題,於商場入面嘅廣場及四周放置唔同嘅Little Twin Star 擺設比客人拍照欣賞。 呢個主題雖然冇講幾時完,但去到當日所有Little Twin Stars 都比野欄住,廣場中最大範圍嘅擺設就以 “維修進行中,暫停使用”作圍欄。其實該商場facebook於12月時,已經被其他網友留言發現同樣情況,所以如果大家全因為Little Twin Stars而嚟的話,可能要有一定心理準備。下面張相係借佢地facebook嘅,見到如果冇圍欄的話其實都幾靚。 就當日所見 – 星期五6pm 左右,商場人流唔算多,較多人嘅地方就係地庫嘅一田超市(可能商場上蓋係譽港灣,一聽就知貴野,富貴人超市),其餘商店每間人客唔多會過2-3人。呢張大堂相應該都表達到有幾靜 走吓走,走吓走,嘗試搵下個商場有咩比較多人嘅地方可以比我介紹下,點知比我發現可以一張相KO: 唔係講笑,呢張相已經交代晒成個商場至吸人流嘅地點: 1) 維修中嘅Little Twin […]

Mikiki 商場初體驗


香港電影資料館鄰近西灣河地鐵站,旨搜集和保存香港的電影文化瑰寶,促進電影研究,使香港電影資料館成為享譽國際的電影資料館。 電影資料館樓高五層,樓面總面積約七千五百平方米。為了便於控制儲藏庫的恆溫系統,整幢大樓一分為二,即每層均劃出半邊為藏品室,內置獨立的製冷系統和氣體式乾燥及除酸器。大樓的另一邊,則為經常性地舉辦公開活動的展覽廳和電影院,以及供參考用的資源中心,可惜今次淨係參觀左第一層,下次去睇埋其他層數~ 電影資料館最近舉辦較大型的節目有「百部不可不看的香港電影」,當中經典包括:甜蜜蜜,賭神,玉女添丁,半斤八両及胭脂扣等,不過於12月已經完滿結束。嚟緊較為人熟悉的節目包括於2013年1月6-28日舉行的「任劍輝百載情永在」。2013年為任劍輝百年冥壽,電影資料館將選映十部任姐和多位花旦在電影銀幕上合作過的電影,響應同期由「任劍輝研究計劃」於2013年1月12-13日假香港理工大學蔣震劇院舉行的「2013紀念任劍輝女士百年誕辰粵劇藝術國際研討會」,有興趣嘅影迷不妨留意一下。 最後,我終於開左個FACEBOOK PAGE,平時都會睇下我既朋友不妨LIKE 一下, 果邊既更新會快D 同密D KA,多多支持~ 捌拾後Promote your Page too

假日好去處 -香港電影資料館