旅行出國


Made in Taiwan,一個香港人很少看到的英文字,我們一般看到的都是 Made in China 的吧,但內地的衣服鞋履質量一向存疑,不單是說用料,黑心工廠亦是一個大問題,無奈,這個世界工場已經霸佔了世界上一家份額的成衣工業。 來到台灣買衣服,要便宜的可以去五分鋪,最新韓風日系的衣服都有,而且是以批發價出售的,但從淘寶運過來的疑慮還是很大,所以這次來台北,就希望找尋台灣製造的潮流服飾鞋履,感受一下台灣的熱情有沒有注入裡頭。 誤打誤撞之下,在西門町一座外型不太突出的大廈裡面,發現了一家全台灣製造,穿起來超舒適的休閒鞋子專賣店,而且價錢也不貴,女裝由新台幣390起跳,男裝則由新台幣690起跳。 Fufa Shoes 富發牌,用上美文的logo比較潮,中文就感覺傳統一點,有老店的 feel 門口都是一般的放滿鞋子,沒有註明是全手工於台灣製作的,進去是一種緣份 牆上放著它們工場是照片,標榜著每一雙鞋子都是全人手細心製作,而且是老師傅哦 女裝的鞋子都色彩繽紛的,而且以帆布作素材,選擇比較多 男生的選擇比較少,以Smart Causal 為主題,帆布質與麂皮質都有   寫了這樣多,該是時候介紹鞋子了,不然大家會以為我標錯題。男生鞋子底部彩用了塑膠材料,加上波浪式的紋路,吸震力不俗,對經常走路的人作用很大 鞋墊製作亦一絲不苟,用上一層軟軟的膠作緩震,感覺就像踏上榻榻米一樣,加上塑膠底部,形成雙重防震,走路零壓力 就是因為太舒服的關係,太太瘋狂掃了五雙,只是第一天的第一時第一個購物點而已,相信行李箱容量的警報已經亮著了 我們入手的是位於捷運西門站西門町萬華區西寧南路70號的萬年商業大樓裡面,還有一家新莊鴻金實店,但位置在那裡就不太清楚 最後拍下萬年商業大廈的入口,因為也不是所有當地人都知道這個地方,可能就是因為它外表舊舊的不顯眼,但去外地旅遊,就是要逛這種舊舊比較地道的店,逛連鎖店的話我就不用坐這麼長的飛機過來

台灣製造的舒適鞋子 -Fufa Shoes 富發牌


現在去台灣真的很方便,不同航空公司出發的班次都頻密了不少,而且早陣子各航空公司都不約而同地推出了限時特價優惠,機票連稅太約港幣1,000左右,但這些便宜機票多數都是深夜香港起飛,零晨到達台灣台北的那種,到了台北後有些人會選擇到24小時的書店待到日出,但其實簡簡單單找一家 Hostel 青年旅舍充一充電也不錯,而且價錢也比待多一晚酒店節省不少。 這次短暫留宿的 Hostel 是 下一站。台北 Next Taipei Hostel,位於台北市萬華區漢中街35號9樓,位置超方便,就在西門站西門町徒步區附近,西門捷運站走過去只需5分鐘左右。 旅舍設計頗新穎,就是年輕人喜歡的那種,但就白天都這麼昏暗,令人很想睡 要進旅舍要先換它們提供的拖鞋 房間其實沒有太多,只有6間左右 房間以上下間隔劃分,而且是男女共室,不喜歡共室的朋友,台灣其實是有提供男女專用房間的 Hostel ,價錢太約港幣200-300一位一晚這樣子 這間比較特別的是,每間房間都有一張雙人床,不是每家青年旅舍會有,有的都是獨立房間,交新朋友的機會相對減少了 房間內的密碼鎖,放手提行李還可以,太一點點就要放在接待處那邊   青年旅舍必須有的公共空間,給年輕人一個平台交流,而且全館提供免費 Wifi一般娛樂消磨時間十分不錯 整間酒店給予人很乾淨的感覺,這是選擇旅行住宿時很重要的一環,這裡的洗手間跟淋浴間都在一起的,而且十分整潔,以港幣180的價位來說,真的比在街上流連化算,要是大家都是零晨到台北,又覺得花1000住幾個小時的酒店不化算的話,這裡是一個不錯的選擇

零晨飛機到台北的便宜休息站 – 下一站。台北 青年旅舍


相信不少人都會夢想到國外結婚,尤其是在美國拉斯維加斯 Las Vegas 結婚,因為在這個紫醉金迷的賭城跟你的伴侶許下一生的承諾,定必畢生難忘。再者,於拉斯維加斯註冊結婚,手續比較簡單,等候時間亦比香港短,加上場地選擇聚多,難怪這麼多人,不論是名人名星或五湖四海的朋友,都會選擇這邊辦理手續。 話雖這邊手續簡單,但一般程序還是有的,準備去 Las Vegas 結婚或閃婚前,都可以先看看 DY 的經驗分享文章作準備 1) 註冊前準備 要註冊前,先要準備一份 Marriage Licenses 結婚準許證,只要護照及身份證明文件就好了,準新人們可以選擇親身到辦事處辦領或於網上預先登記申請,不論你選擇了那一個方式,最後都是要親身到辦事處處理的,只是拉斯維加斯即興結婚的人數不少,網上先登記可以省卻大量等候時間。留意這張結婚準許證只是當局準許大家於當地結婚的文件,並不是婚姻證明文件,申請費用約USD60 克拉克郡婚姻登記處 Clark County Marriage Bureau 地址:201 Clark Ave, Las Vegas, NV 89155-1603 (於市中心 Downtown 附近) 電話:(702)671-0600 Fax (702)385-8911 每周一至周日上班時間爲早上八點至午夜零晨,年中無休 網站 http://www.clarkcountynv.gov/depts/clerk/services/pages/marriagelicenses.aspx […]

一個全天侯結良緣的概念 – 拉斯維加斯結婚小攻略



美國加州陽光充沛,整天都藍天白雲,這樣的天氣令人好想一躍入水中消暑,但洛杉磯市中心並不是沿海地區,最近的海灘就是離市中心2小時車程的 Santa Monica 。 聖莫尼卡 (Santa Monica) 是美國加利福尼亞州洛杉磯縣的一個城市,位於太平洋沿岸,洛杉磯市西面,是一個度假勝地和住宅區。其海灘為著名海岸景點,沙灘上有一座碼頭延伸到海裡,碼頭上方有一個遊樂場,園內有摩天輪、過山車等設施。 聖莫尼卡位於 Santa Monica Bay, 是 Los Angeles – Pacific Palisades,Brentwood, West Los Angeles ,Mar Vista 及 Venice 的交界處。由於擁有一個長長的沙灘及鄰近荷里活/好萊塢 (Hollywood) ,吸引了不少電影明星,名人,專業人士以及滑浪愛好者居住。加上長期的好天氣,令Santa Monica 早於 20世紀被發展成渡假及旅遊勝地。 由於海岸線太長的關係,想走遍整個海灘的話,可選擇到 Bike Center 租借單車或 SEGWAY […]

美洲其中一個最有特色的海灘  – 美國洛杉磯 Santa Monica


來到美國 United States 西岸加州 California 洛杉磯 Los Angeles 旅遊,事前做足準備功夫,在各大書店找尋有關書藉,卻發現能去的其實不多,主要是因為點與點路程遙遠,有名的景點都是主題樂園,所以在選擇行程都頗傷腦筋。 作為超級運動迷及籃球粉,第一個想去看的一定是洛杉磯湖人 LA Lakers 的主場館 Staples Center,可惜場館離我們住宿的地方太遠而且是 NBA 的休季時段,所以唯有放棄前往,選擇住宿附近的景點遊覽。就是這樣,令荷里活 Hollywood 就成了我們於美國第一個的景點 (Outlet 除外)。 Hollywood ,香港人稱荷里活,中國及台灣稱其好萊塢,由於有很多著名電影公司都設址於此,所以很多人都將電影名明星跟荷里活劃上等號。周邊的街道建築都充滿電影味道,尤其是街頭賣藝的表演者,他們模仿電影角色的裝束絕對不下於荷里活的製作公司。 Hollywood 的地標,每日都吸引無數人士前來潮拜,同時亦是追夢者的天堂 荷里活商場都很像影城的感覺 怎樣街道也像片場,我到底怎麼喇XDD 這輛長轎車,就是大明星或影星們乘坐到紅地毯前的 來到荷里活,人人都是電視角色,當然要模仿一下我最喜愛的 Marvel Avengers Captain America 美國隊長 TCL […]

美國洛杉磯 – 遊覽荷里活 Hollywood 發個明星夢


加拿大 – 非洲野生動物園 Canada African Lion Safari 位於 1386 Cooper Road, Hamilton, Ontario Canada, 由我們住既 North York, Toronto 多倫多出發,自駕大約需時 1 小時 15 分鐘左右 (以交通暢通計), 沿途會見到好靚既樹林,由紅橙黃綠交織而成, 原本計劃行下山,因為好似有一條山路可以欣賞晒 4 季既景氣, 不過我們班睡魔,又因為訓過龍令行程取消 係外國唔自駕遊真係唔得,而且租車費又唔貴,大約 HK$200 – 300 / day 就可以 (車保大約 […]

加拿大 – 非洲野生動物園 African Lion Safari



2
去過多倫多Toronto 市中心Downtown,之後既一天就參加表姐既婚禮,表姐既婚禮中西合壁,既保留中式接新娘必備 – 玩謝兄弟團,再配合西式基督教行禮儀式進行。婚宴就在一個英式的古典莊園進行,晚餐就只是親人限定而已,所以都搞足成日,加上時差既原因,晚上連當地最有名的龍蝦也吃不下,太可惜了~ 為抓緊時間,成團人第2日一起身,就去買簡單午餐,出發去加拿大最著名景點 – 尼加拉瓜瀑布 Niagara Falls lu 尼加拉瀑布 Niagara Falls,源自印第安語,意為「雷神之水」是美國與加拿大最知名的風景之一,位於紐約州 New York State 水牛城 Buffalo 附近的美國與加拿大 Canada 邊境,伊利湖和安大略湖之間,平均流量2,407立方公尺/秒,與伊瓜蘇瀑布、維多利亞瀑布並稱為世界三大跨國瀑布。尼加拉瀑布以美麗的景色,巨大的水利發電能力和極具挑戰性的環境保護工程而聞名於世,是非常受遊客歡迎的旅遊景點。 尼亞加拉瀑布實際由3部分組成,從大到小,依次為:馬蹄型瀑布(Horseshoe Falls))、美利堅瀑布(American Falls)和新娘面紗瀑布(Veil of the Bride Falls)。馬蹄形瀑布,位於加拿大境內,其形如馬蹄;美利堅瀑布在美國境內,由山羊島隔開;新娘面紗瀑布,也在美國境內,由月亮島隔開了其他兩瀑布。事實上,在美國境內看到的只是尼亞加拉瀑布的側面,而在加拿大可以一覽全貌。 由我地住既地方出發 North York,車過來大約2 個小時,車子就泊在附近的酒店裡,酒店走過去瀑布只需10-15 mins 原本以為酒店是免費泊車的,但可能只是對有賭錢既客人會員,所以最後都係要比錢走人 酒店一出口基本上跟住人流,就可以到埗 9月加拿大的溫度好涼爽,冇太陽都有少少凍,但黎到尼加拉瓜大瀑布,溫度再進一步下降,可能由於瀑布水不斷隨風打過來 […]

加拿大 – 尼加拉瀑布 Niagara Falls


去美洲旅行,撇除高昂的旅費,最大考慮因素必定是長途機程。唔計算要Show hand辛苦累積的年假,重要被困於機倉裡十幾廿小時,真係密室恐懼症唔發作都動靜脈閉塞。話雖如此,但一落機呼吸到加拿大多倫多既空氣時,旅行興奮模式立馬重啟。 話說是次到加拿大 Canada 的主要目的是參加表姐婚禮,所以沒有放太多旅遊點於行程當中,整個多倫多Toronto 5日4夜的旅程中,只遊覽了3 – 4 個景點而已。 雖然我剛考獲車牌不久,未夠一年無法申請國際車牌於加國租車自駕遊,但當地擁有車子既親戚都唔會揸車落Down Town,因為這邊堵車情況不下於香港,所以我們選擇了乘搭地鐵/ 捷運 到市中心。 由於我們是一家一行十幾人去參加婚宴,所以住宿方便就選擇左係airbnb 租住大屋,大屋位於 North York ,聽聞是比較有名的住宅區,距離最近的鐵路站太約 10-15 分鐘車程。

加拿大 – 多倫多市中心 Downtown Toronto


2
YEAH,之前因為工作繁重,加上轉工關係,計落DY 已經有成 2 年未有放過大假,但今日……..我…….. 終於………..有假放喇 ,而且係一個好長既14日悠長假期 (感動MODE 開動)。 呢個假期除左可以休息外,重會參加表姐係加拿大Canada 舉行既婚禮,之後再到美國USA探親,真係好足實。而今次乘搭既航空公司,就係KOREAN AIRLINE,因為聽聞他們服務不錯,而且座位空間亦好好,呢點極其重要,因為經過上次乘搭UNITED AIRLINE (UA) 去美國既經驗,係一個比頂腳還窄既迷你空間入面被困20小時之後,我發覺呢方面既錢係不能節省的。 乘搭大航去加拿大,首先要係首爾轉機,所以同時達成我第一次踏足韓國的成就。轉機大約需要等候5小時,但係首爾機場入面,消磨時間實在太容易了。 首先有無限咁多間LOTTE 樂天免稅店(但係間間差唔多的),有FOOD COURT,有電腦免費上網,有按摩,可以沖涼,重有埋按摩椅免費提供,加埋個迷你展覽,真係唔捨得走~ 韓國代表 PSY Gangnam Style 落地果時,有個開心大發現,就係原本機場有提供免費中轉旅遊服務,行程最短既有1小時 (龍宮寺寺廟之旅) ,多少少時間 2-3小時就有仁川米城時之旅,再長D 5小時直頭可以出埋首爾SHOPPING TIM。免費項目只包括觀光巴士及導遊費,其餘門票餐費都要自費的。 Korea Transit Tour Counter 早上6時才開始辦公,一開門就一支箭衝過去,不過面對既係一位唔擅長英文既職員。宣傳單張寫明,只要有護照,入境機票及下一程機票便可以參加,但呢位韓國大叔看完我們本香港特區護照後,堅稱我們一定要申請VISA 才可以出境參加TOUR,但明明特區護照去韓國是免簽證的麻,他們打電話查詢佢上司,之後就語窮地向我們說VISA VISA,面對呢個言語不通既局面,只好放棄 […]

加拿大美國之旅 – 韓國轉機篇



4
墨西哥 Mexico,第一個感覺係犯罪之都,報章新聞記載既都係毒梟爭奪地盤,刀光劍影之地。CES之後,公司有令要去墨西哥跟客人開會,兼且視察當地市場環境,打工既,硬住頭皮都要去。 今次目的地係墨西哥城Mexico City,據當地人資料,應該係墨西哥中部及墨西哥既中心地帶。基本上當地唔算得上富裕,車輛以舊車為主,一般民居亦頗殘舊,而非主幹既街道,甚至沒有街燈。 而大家最擔心既問題就係治安,一般旅遊區扒手小偷問題當然有,但就冇幻想中槍火亂嗚,原來電影中既槍戰場景主要集中係北部,美國邊界位置,由於黑幫會為美國毒品市場爭地盤,所以果邊會較亂。而今次開會既地方主要圍繞商業區,所以感覺還好吧。但在墨西哥,旅客不是隨處可見,盡管是旅遊景點,都是以當地人為主。語言方面,西班牙文就係當地語言,酒店及商業區都會有人識英文,但其他地方就要有指手畫腳既準備。 Museo Soumaya  索馬亞博物館 由於今次去既目的係同客人開會,所以去既都係商業區,建築物設計都好新穎 墨西哥平民住宅區有好貧窮既地方(當然唔敢去啦),而市中心周邊既住宅都還可以,但入夜就唔係條條街都有街燈,冇咩必要都唔好外出 Plaza Garibaldi – 一個比較有傳統特色既地方,有好多當地人會表演傳統音樂及舞蹈 (當然要比小費啦) Tenampa Salon- 裝潢傳統既餐廳,不斷有表演者入黎希望搵生意,當然最後大家都玩埋一份 Pyramids of the Sun and Moon at Teotihuacan – 墨西哥的金字塔,為當地古蹟,聽聞現時只係發掘左20%,睇黎成個面積非常龐大 古人既偉大建築,不外乎與皇朝及祭祀有關,而呢個Pyramids就同2樣都有關喇 古畫 呢度既設計有個非常特別既地方,就係當你向住塔既方向拍掌,回音會形成動物既叫聲,試左真係WORK,好神奇,而我身後既就係月塔 左邊果座就係日塔,月塔高度較為矮 長長既大道,由月塔出發到日塔 由於日塔較高,每到一段都有休息點比十家回一回氣再上 上到塔頂,可以360度環視四周境色 […]

墨西哥神秘之旅


CES係拉斯維加斯LAS VEGAS 其中一個最大型既展覽,成為當地經濟既一大重點。而且,1月份當地氣溫大約8-20度 (日夜溫差非常大),但夏天會急升至最高40度(沙漠地區MA),為免熱死,好多旅客都會選擇呢個時間到訪VEGAS的。既然係當地既旅行旺季,所有酒店房間都好易爆滿,而且價錢都變得瘋狂,所以唯有選擇STRIP (賭城大道 -最新酒店臨立的街道)周邊地方入住。由於預算有限,最後選擇了Westin Las Vegas Hotel落腳,Westin 雖然唔係以華麗見稱,不過係拉斯維加斯入面就予人踏實既感覺,而且入住期間見到無數空中小姐同機師,感覺份外專業。價錢方面,Westin同樣親民,大約USD180/晚,係浮誇聞名的VEGAS黎講,算係便宜KA LA。VEGAS 可以行既地方唔多,通常都係STRIP睇下酒店咁,所以建議係STRIP度搵酒店會比較方便,如果唔怕攰,重可以以步行觀光,因為城內經常塞車,步行可能重快。 (網店圖片)  (網店圖片) CES真係好似打扙咁,又參加埋CES UNVEILED 同PEPCOM EVENT – 即係開幕前哨戰,工作多到冇時間執房,由於房內太多機密檔案,又唔可以ROOM SERVICE打掃,最後亂到七彩 VEGAS天氣超好,日日都陽光普照,一粒雲都冇,係日夜溫差較大 THE FORUM SHOPS 與CAESAR PALACE HOTEL相鄰,餐餐都係入面搞掂,食品質素唔錯 威尼斯人酒店,見同澳門果個冇咩分別,所以冇入去睇 WYNN HOTEL,又係一間唔洗入既酒店 Paris Las Vegas Hotal,有Eiffel […]

美國拉斯維加斯CES 2014 工作旅程 (下)


6
去旅行,如果唔係揀廉航的話,香港人首選一定係國泰航空Cathay Pacific,而星加玻航空Singapore Airlines唔係次選都會係三甲,但今次飛往巴塞隆納Barcelona MWC工幹既經驗,個人對星航既感覺就好壞參半。 先講去程,坐星航由香港飛巴塞,就要由星加玻機場轉機。由於航班延誤,飛抵星加玻機場後,距離另一班航機起飛既時間只相差5分鐘。一落機,星航工作人員就安排機場高爾夫球車,接載DY奔馳十幾廿個閘口後進行安檢後,然後飛奔上機。雖然人就安然上機,但行李就轉唔切,所以上機後第一件事,就要決定到底要人到巴塞行李唔到,定係攬住行李係星加玻滯留。由於已經DELAY了不少,空中小姐慷慨地叫我於1分鐘內作決定,咁既然於巴塞既酒店同行程都訂好了,就緊係照樣出發啦,留係星加玻有金執麼?! 飛行過程中,與聯合航空United Airlines比較,星航的座位較為寬闊,起碼都唔會”頂腳” ,而且空中服務員服務態度良好,零食小吃供應都充足,而且每個座位都有獨立顯示螢幕,對坐長途機的乘客黎講無一不重要。 抵達巴塞隆納機場,就走去claim 保償,星航當地既行李保償外判左比一家叫Swiss 既公司處理,工作人員了解後,得悉行李要2天後才飛抵巴塞,同行重有我老細,而Swiss出既第一口保償係Euro60 兩個人,我地即時傻眼,據理力爭下才爭取到每人安排Euro60 既保償。但到底Euro60足唔足夠呢? 好明顯係歐洲係完全唔足夠的,既然果Euro60係用黎保償行李既延誤,我地就以於歐洲買衣服既消費作定奪 – 於一般時裝店,一件衛衣Euro25,一條褲Euro30,一件底衫Euro10,一條內褲Euro10,一計數就知唔夠洗。行事緊慎的我,緊係SEND EMAIL 比星航查詢可唔可以補水啦,但果邊就冇回覆。雖然有買旅遊保險,但CLAIM過保險既人都知道,保險公司擅長打持久戰,等得佢地批都冇一年都有半載。最後,由於係當地人生路不熟,搵唔到地方買內衣褲,結果做左電波少年,一套內衣褲著左3日。 以上經驗,已令本人對星航既感覺打左個折扣,咁回程又會係點呢。 回程時,一坐下便發現座位的顯示螢幕壞左,不能運作,待飛機起飛及安頓之後,就告知空中小姐,空中小姐回應可能系統有問題,要重新設定,需時約10分鐘。10分鐘過後,空姐再過來查詢,螢幕依然未能運作,她便著回去再檢查一下,上述不停重複又重複,如是者,飛機便飛行了2個小時。過後,有另外一位空中小姐過來跟進事情的進度,她得悉螢幕問題亦仍未解決,便建議我到後排吉位就坐。DY執拾好個人物品後便懷著希望既心情向新座位進發,到達後發現空中小姐安排的座位上有個手袋,相信是中排三連座的外籍女士所擁有,DY就誠懇地解釋轉位的原因,希望她能配合,但外籍女士稱她一定要橫卧就寢,不然便沒法入眠,我回應她說是空中小姐安排的,她不作回應便閉目作息,我當時真係企左係度。失望的我唯有懷著失落回到原先的座位,空姐見狀就上前詢問,我亦如實相告。及後,空中小姐謂已經與另一位乘客溝通,有位與女伴乘坐WINDOW SEAT的好心乘客並不介意多一位座上客,稱今次我不會再吃羹。就係咁,DY再次拿起個人物品,再次滿懷希望向新座位進發,到達發現好心乘客是位傳統美國人(沒有種族歧視),DY盡管坐下,身材頗為龐大的他好明顯已盡量遷就我,但無論如果他的手臂始終都會塞進我的座位上,DY雖然身材偏廋,但由於自小醉心運動,肩膀還是比較寬闊,加上我倆身高應該都有180CM上下,雙腿的擺放,我諗蘇文峰都度唔掂。但眼見旁邊是位好心人,冇理由一坐低係轉位令佢難堪(個人幻想已而),所以當空姐再三查詢是否滿意時,我沒有再要求換位,只冷冷地說聲OK,但心底裡卻是十分想轉座位的,因為空間實在太擠迫,不單我一個難受,我相信好心人亦是。可能就是那個冷冷的OK,空中小姐竟然知道我的心意,轉頭說有另一個座位空了,旁邊也是吉的,問我是否想再次調位,我怕蘇州過後冇艇搭,立刻對呢個突如奇來的窩心建議示好。雖然新座位個EARPHONE位置失靈,雖然我的手提行李要放在新座位前十幾行,但我已經倦了再轉位置,也不想再麻煩空中服務員了,我選擇了於飛機上更新博文及休養生息。 說真的,是次行程經驗不太滿意,因為個行李於回程時甚至被掟爛埋,又要CLAIM,真係麻煩。不過,當果位空中小姐留意到我心底願望果一刻,善忘既我就抺晒所有唔開心既經歷,重覺得星航服務係優秀的,只係硬件上還有進步既空間,所以,下次有機會都會比多次機會星航 XP (所以話,做服務業既真係一個動作可以改變一切)

論盡星加玻航空公司 Singapore Airlines



還記得上次到訪美國已經係十幾年前既家庭旅行,十幾年後,託公司鴻福,又有機會踏足呢片大地 事源公司於美國拉斯維加斯LAS VEGAS既CONSUMER ELECTRONIC SHOW (CES) 參展,  CES 為全球最大既電子消費品展覽,集合最頂級品牌同埋最尖端科技。 個TRIP 都完左幾個星期,等我回顧下呢個行程先 : 去美國就緊係要搞簽證啦,填佢個ONLINE FORM 都填左唔少時間,咩都問,煩到爆,之後約左時間到領事館,又要排隊排個幾兩個鐘,但見領使就問2句就搞掂,真係浪費時間 而坐飛機又唔見得好順利,今次搭UNITED AIRLINE,經驗真係超級差, 張機票貴過國泰唔在講,個位又窄又逼,再加上冇獨立MONITOR, 長途機真係死罪,而且飛機中途降落左係聖荷西SAN JOSE 機場,原本應該係响三藩市轉機的, CAPTAIN 話因為三藩市天氣問題,要暫時停留聖荷西三小時, 但到達三藩市時,天朗氣清WO,一粒雲都冇,但就搞到我MISS 左CONNECTION既機, 要滯留三藩市等機位,結果要係三藩市轉機洛杉磯LOS ANGELES, 再轉機到LAS VEGAS,前後遲左成12個鐘,頂 係機場,好多人都滯留等轉機,充電位好渴市,咁難得比我搵到個, 咩都一次過叉晒 XP 終於都到左VAS VEGAS喇 機場入面都有咁多老虎機,果然係賭城 […]

美國拉斯維加斯CES 2014 工作旅程 (上)


2
之前都有提及過我轉左份新工, 轉工既其中一個原因係新工作可以四周圍睇下, 改變一下日日舊工作坐OFFICE 既ROUTINE 生活, 估唔到做左1個月都唔夠,就有機會上北京工作, 工作雖然比想像中辛苦,2日1夜既工作只係有1個鐘頭睡眠時間, 同埋1個半鐘頭既自由時間, 由於自由時間得咁少,所以出唔到去故宮長城等名勝, 只能夠參觀下酒店旁邊既奧林匹克公園,都好過冇啦~   坐CX早上9點機,航程太約3小時15分鐘左右 , 睇套戲訓一陣就差唔多到    入境大樓   由於要遷就工作地點,所以揀左間都幾遠離市區既朝陽區 凱迪克格蘭雲天大酒店 (Grand Skylight CATIC Hotel) 大堂都OK,話晒都5星級酒店 我間酒店房係望到鳥巢同奥林匹克公園,不過我唔記得影間房入面,哈哈 房間都叫乾淨企理 係酒店放低行李之後,就帶班客仔去左全聚德朝陽區分店食北京名菜北京填鴨 去到已經3pm 左右,冇咩客 環境都ok,都有幾枱外國客人 叫左商務套餐,前菜+小菜+ 一隻鴨 + 飯,人均消費RMB200 左右 […]

2日1夜快閃遊北京


8
上回講到我地係華欣既回程遇上大塞車,足足用多一倍時間先返到BANGKOK, 塞車既心情係點?! 係路上見到既塗鴉GRAFFITI好能夠表達到車上乘客既心情。 由於係粗口既關係,圖中有2個英文字係打左格仔,雖然呼之欲出,但都留返D空間大家估下係咩字 華欣返到曼谷之後,都係繼續我地HEA爆既旅程,日日都訓到自然醒,再行下街買下衫食下野咁樣過日晨,當中只係去左2個比較特別既地點同2間酒店大家分享下 1)  朱古力小鎮 Chocolate Ville Chocolate Ville於2011年12月開幕,位於曼谷市區,可以說是目前泰國最紅最熱既戶外餐廳,但係點解呢度會叫朱古力/ 巧克力小鎮呢?? 唔通食朱古力好出名?! 非也非也,其實背後係有個故事的,原本老闆是製作巧克力盒的,因此取名為Chocolate Ville。DINING IN THE PARK 是 Chocolate Ville巧克力小鎮風情餐廳的口號,當然就是要營造坐在戶外用餐的浪漫感覺,加上周遭歐式建築的感染力,真係爽歪歪。大家除左可以選擇戶外位於河邊既靚位外,都可以選擇有瓦遮頭既餐枱用餐,如果你一行十幾廿人,還可以BOOK 一間小屋舉行派對,但收費不詳,有需要既朋友可能要自行與餐廳查詢。 Chocolate Ville是曼谷CDC裡面知名的餐廳Wine I Love You團隊經營的,這個朱古力小鎮風情餐廳是仿造典型歐洲的建築物,有花店、麵包店、紀念品店、蔬果店、碼頭等。園內搭配著令人舒服的背景音樂,感覺好像在遊樂園玩耍的歡樂氣氛。大家去之前可以BOOK定位先,因為聽講周未會好FULL,我地平日去的,最靚既河邊位都要等左一陣先可以安排入座。 呢度提供遊人影相拍照既景點都非常多,如很大的風車,消防局及小木屋等等等等。下面有D相片提供比大家參考下~   交通 Chocolate Ville巧克力小鎮風情餐廳位置雖然也是位於曼谷市,但是離市中心有頗遠的距離,暫時只知道只有的士OR BOOK 車可以直接到達,車程約30-45分鐘左右。 的士車費 […]

泰國曼谷- 華欣8日叉電之旅 – 曼谷下篇



喺曼谷hea 完2日之後,就準備向華欣出發~ 係曼谷去華欣有好幾種方法: 1)    包車 –    包一架房車大約THB2000 – 3000一程,最岩4個人Share 2)    火車 –     曼谷到七岩 & 華欣的火車,收費約 40~50 銖。另外每逢週末、週日,提供來回華欣的套票,收費約 75 銖。可於曼谷火車站訂票 3)    飛機 –     最快但最貴,香港沒有直接航機往返華欣,旅客需要在曼谷轉乖其他交通工具前往,航程約需40分鐘,大約THB3000位包稅 4)    巴士 –     往華欣巴士由曼谷南部巴士站(Southern Bus Terminal)開出,前往華欣市中心只需約3小時,大約每半小時左右1班,車費THB150左右 5)    的士 –    […]

泰國曼谷- 華欣8日叉電之旅 – 華欣中篇


2
準備篇之後,係時候入正題喇~~ 整個旅程由我地乘搭香港時間星期五晚上11時起飛嘅零晨機開始,結束於泰國時間星期六中午3時起飛嘅香港航空當中,未能做到早機去,晚機返……可惜可惜,只怪我地太遲先決定晒D野。同埋去果時未有諗過寫blog,所以未必所有野都有圖解,唯有盡力用我有限嘅文筆為大家導航啦。 『曼谷– 華欣叉電之旅』8日行程入面,頭1-2日會留係曼谷,第3-5日就去華欣嘆下,最後第6-8日會再戰曼谷,呢個安排其實係有莫大嘅玄機: 1) 我地留係曼谷嘅周末只有頭1-2日,緊係要把握機會去翟道翟(Chatuchak Weekend Market/ JJ Market)掃貨啦,拼死都要拖個加左磅嘅行李去華欣,鬼叫JJMarket係周末先開咩 2)聽聞華欣係度假勝地,唔單只外國人,當地人都好鍾意去,閒日去相信可以避開唔少人 引言都咁長,真係唔好怪我口水多過浪花   我地就由落機開始講起啦。一落機,例牌比堆強國人衝衝衝衝衝衝衝衝,撞撞撞撞撞撞撞撞同推推推推推推推到去入境櫃檯,當日人就唔算多,不過都排左差唔多成個鐘先入到境(已經2:30am)。一入境緊係首先買左張電話咭先啦(唔知咩電話咭就唔該睇返『準備篇』)  ,買完之後就落一層掂的士。呢層要先攞張飛仔先可以上車,職員會登記埋的士資料,感覺上安全好多,而且代價只係比多THB50機場服務費。 酒店我地住Bangkok City Hotel,最近BTS站係 Ratchathewi Station,地圖上係Siam 隔離,由機場到埗收費大約THB350-400左右(包晒路費同機場服務費)。揀呢間酒店嘅原因係 — 平,大約HKD$280一晚包早餐,而且整潔程度屬於滿意水平。不足嘅地方係廁所浴缸冇浴簾,沖完地下會濕晒,同埋早餐食物質素十分一般。   酒店外覲 床+洗手間 走廊  自助早餐食完早餐就去Super Rich 唱錢,跟手就坐BTS 到翟道翟作戰。         […]

泰國曼谷- 華欣8日叉電之旅 – 曼谷上篇


為左平衝工作同生活之間既壓力,每年都會同女朋友出外走一走,叉叉電。 今年我地選擇左12月去泰國,主要原因有2個: 原因1 – 未去過, 原因2 – 聽聞D野好平,可以瘋狂購物同瘋狂吃喝!! 每次出發前都會做D資料搜集,大概有下面幾樣啦,希望幫到D有同樣問題既朋友: 1. 季節 12月至2月係一般泰常客認為去泰國最好既季節,一來天氣冇咁熱(日間一般都係26-28C 左右),二來雨水都較少,好似我地8日既行程入面,只係係第一日落左個幾鐘頭大雨,其餘時間放晴,心情因此都會好D,我地為左同時避開旅遊旺季,所以選擇左12月頭出發。 以下係香港天文台關於曼谷氣候既資料:     2. 旅行社自遊行套票(package)定online package (e.g. priceline, zuji etc.)好? 搵邊度買機票同酒店係用左最多時間既一環,當然你有錢既可以是但搵一間旅行社買套票搞掂,不過你要有心理準備可能要比多人地20-30%左右,我寧願慳返D錢係果邊食左去好過。 食得咸魚抵得渴,要慳錢就咩都要搵下格價,大型小型旅行社,網上旅行社(priceline.com, zuji.zom, cxholidays.com, cathay pacific 既fanfares) 都比我搵晒,但都係比我地budget貴左D。經過左一輪地毯式搜索,最後發現自己去Hong Kong Airline同Agoda.com book 最平。一般旅行社當時3日2夜套票連稅大約每人$2800左右,而我地就大幾每人$2200左右(與同級3星酒店比較),一人慳$600,兩個人就慳左成$1200!! […]

泰國曼谷- 華欣8日叉電之旅 – 準備篇