1600熊貓快閃遊- 香港站 9


1600Pandas熊貓橫掃全球,續法國,荷蘭,意大利,瑞士,德國及台灣後,終於到達香港站喇! 佢地將會馬不停蹄咁追蹤香港唔到著名景點。巡迴展最終站將會係PMQ元創方作展覽活動開幕禮,希望借創意呼籲大家愛保育,力撐持續發展,宣揚人與自然共存的訊息。

由於1600熊貓抵港後,於平日以快閃突擊為主,上班一族完全係冇機會去現場感受,直至星期六14/6,1600熊貓終於快閃尖沙咀鐘樓,展出時候只有短短3小時,所以吸引左極多人去參觀,去逼入去影相真係唔容易,加上龍友勁多,佢地一進駐前線就會留守不動,懶理身邊小朋友及老人家希望親近熊貓既感受,好心啦,個人沒有品德,影到靚相又如何,比你呃多幾個讚又如何。見到如此場景,加上浩熱天氣,影左一陣就閃人。


本身尖沙咀已經多人,加上1600Pandas,人多到不得之了

唔夠手長又逼唔到入接近位置,唯有出動自拍神棍幫幫手

辛苦晒所有工作人員同埋義工,除左要晨早做SETUP外,重要搞下氣氛,又要拍下現場盛況,真係多謝大家
(轉自官網)
如果都想睇下熊貓既朋友,可以留意上面個時間表,睇黎下次最有機會去睇既應該係皇后像廣場,但係其實佢地都會係唔同地方突擊出現,呢排大家要多D留意身邊有冇熊貓出現喇
下面就轉載官網熊貓快閃既地點作紀錄

(轉自官網)
香港國際機場

(轉自官網)
深水埗愛心飯堂及愛心店主明哥

(轉自官網)

尖沙咀星光大道

 

(轉自官網)
香港米埔濕地公園

(轉自官網)

大嶼山天壇大佛

 

(轉自官網)
旺角西洋菜街

(轉自官網)

深水埗舊樓天台

(轉自官網)

尖沙咀鐘樓

(轉自官網)

馬灣及青馬大橋

 

(轉自官網)
沙田馬場

睇完係咪覺得好可愛好想擁有?! 宜家有機會喇,因為大家可以參加全球首創紙糊熊貓工作坊,或者是1600紙糊熊貓領養計劃

(轉自官網)

【「香港製造」紙糊熊貓工作坊.6月16日起公開接受網上報名! (由凌晨零時開始)】 「1600」象徵着世界上現存的野生大熊貓數量,1600隻以回收廢紙製成的紙糊熊貓今次遊香港,正是要喚醒大眾對保育及可持續發展的關注。

舉辦「香港製造」紙糊熊貓工作坊,目的是將「1600熊貓」這個理念伸延至香港社區,攜手集結公眾力量,以本地回收原料製作百份百屬於香港人的1600隻紙糊熊貓,宣揚保育及可持續發展訊息!

「香港製造」紙糊熊貓工作坊.6月16日凌晨零時開始就可以於以下網址報名參加喇!

www.1600pandashk.com/zh/workshop

呢個全球首創紙糊熊貓工作坊,有賴社區創意文化夥伴置地公司的500個善心單位支持,參與製作紙糊熊貓嘅同時,更贊助500位「築福香港」旗下嘅基層家庭,讓他們在暑假參與這件有意義的親子活動!

工作坊同時亦提供600個公眾名額,讓市民一齊完成創舉!大家只需付報名費HK$188(已包括材料及導師費),就可以製作屬於你嘅紙糊熊貓!工作坊的報名費用將會全數撥捐世界自然基金會香港分會作保育用途添!

完成紙糊熊貓工作坊會獲頒發參與證書,而完成品更會喺7月18日-8月3日於中環作公開展覽。展覽完畢,你就可以帶你隻紙糊熊貓番屋企喇!

工作坊名額有限,先到先得!

(轉自官網)
 
而想領養既朋友,亦可以到下面網站了解更多

1600紙糊熊貓以全球野生熊貓僅存數目為題,藉此喚醒市民對保育及可持續發展的關注。是否覺得今次參展的熊貓既可愛又具意義呢? 大家可以透過「領養1600紙糊熊貓計劃」於展覽後,把紙糊熊貓帶回家,領養費為每隻由港幣200 元至450元不等,所有領養收益將全數撥捐世界自然基金會香港分會作保育及教育用途。請注意以下的領養三部曲:

第一步 —
因應熊貓尺碼及形態,領養費分為港幣200元、300元及450元三種,領養收益將全數撥捐世界自然基金會香港分會用作保育及教育用途

第二步 —
由6月25日起,進行網上申請。閣下可申請成為熊貓領養人,並同時於網上繳費,有關申請詳情,請留意最新公佈。

第三步 —
於網上繳費後,領養人可於7月28日至8月3日期間,到中環PMQ元創方領取紙糊熊貓。

 

方便既話,大家可以去埋我個Facebook Page 參觀下
可以既話,順手比個Like 我個Page支持下,感謝

Comments


Leave a comment

9 thoughts on “1600熊貓快閃遊- 香港站