難分真與假- 不死經典 Nike Air Force 1 Low 1


平日返工要著西裝,formal 到唔荒蕪,

所以放假既時候,我多數會著得好causal,即係牛仔褲加t shirt,熱天就短打加背心,

鞋就以運動鞋為主,總之以舒適為大前題,當然出街既運動鞋同打波既運動鞋大有分別,

打波既運動鞋著重保護性同靈活性,而出街既運動鞋就著重外觀同易襯度(唔知有冇呢個terms…..哈哈)講開易襯度,當中既表表者就一定係 Nike Air Force 1 Low,

呢對已經面世超過30年既百搭鞋款除左可以配搭牛仔褲之外,襯上短褲亦唔會失禮,

正正因為佢咁百變,所以近年Air Force 1 既身價不斷攀升,並且升格為公價貸品,同所有折扣絕緣,

狡猾的商人當然隨之出動,係各大拍賣網站及小商鋪,以低價出售A 貨欺騙消費者,

而A貨既像真度就好似打機咁不斷”升呢”,已經去到99%相似既地步,

所以今次捌拾後決定同大家比較一下正貨同A貨,分析兩者既分別,以免大家受騙


首先黎2張圖先,淨係睇呢2張,唔知大家分唔分到呢對係真定假呢?

分唔到唔緊要,等我講你地知,

黎緊我就會係細節同DETAIL 位拆解~
講講A 貨先,A貨既來源淘寶,而且我選擇左價錢中上既商鋪,以確保像真度混淆大家,

而正貨既圖就黎自美國大型運動用品網店EASTBAY.COM

為左簡單分辨,A 貨背景係黑底,正貨背景係白底

首先我地從外側開始,A貨模仿力十分一流,鞋帶旁既波浪紋同鞋底既紋路也跟足,
之前有睇過其他網友4-5年前既分析,NIKE 正貨LOGO 既車工比較細密,
但幾年後,A貨已經進化了,同正貨沒有太大出入~

內側本身DETAIL位唔多,比較難分辨,但A貨手工始終難有保證,
好似我手上呢對既氣孔位就明顯較低

以前既A 貨,可以憑鞋頭氣孔去分辨,睇下宜家得唔得先~
真貨既氣孔排列,由鞋頭數起係,1,3,5,7,7,7,2,2
A貨既排列又跟足,但有幾個氣孔大小不一,唔留神應該唔覺



鞋底可以話冇破綻,抄得十足十

接住落黎睇下腳跟位,首先睇下NIKE LOGO,
正貨NIKE 4字同關刀分明,車工認真,
而A貨車工十分一般,E 字同個關刀痴埋一堆,而且NIKE 4字並不平衡,
再者,LOGO 下面塊長方形皮,正貨車工亦較A貨貼邊

 

鞋頭上既AF-1 ’82 鐵扣A貸都幾弄亂真

AIR FORCE ONE 鞋底有好多星星,我諗係想增加模仿者既難度,
但可惜魔高一丈,A貨已經係鞋底築起萬千浮星了~

其實睇到咁上下,大家都知道,A貨既車工係比較差,可以憑此分辨真假,
但有著開波鞋既朋友都知道,大鞋廠既QC 一年不及一年,每對鞋都有不同程度既瑕疵,
當中車線既瑕疵最為普遍,所以單單以車工一點去分辨的話未必夠,
接住落黎,我就會指出幾個A貨比較容易顯示出其狐狸尾巴既地方

鞋舌 – AIR FORCE 1 既鞋舌比較薄,正貸雖然都係薄,但依然有一定手感,入面應該有少少棉花,反之,A貨的薄而冇彈性,感覺入面得張紙既
鞋帶位 – 正貨手工同用料都比較認真,皮與皮之間都十分緊密,但A貨就求其收尾,可以明顯見到入面灰色既皮內龐

鞋”毯” – 正貨同A貨都有AIR FORCE 1 LOGO,正貨可以用暗花黎形容,形狀清晰,而A貨就係淡淡無光



其實著上身的話,除非外人走過黎聞你對鞋,如果唔係好難分辨到真偽,
但用家平身就應該會清楚,因為正貸穿上比較舒適,鞋底比較柔軟,
相反A貨內胆比較硬身,而且鞋面既皮較薄,穿上去感覺比較刮,沒有運動鞋應有既舒適感,所以買果時記住要試穿下


最後測試埋A貨既耐磿性,著上去行左1-2小時,部分鞋底既星星已經開始消失,
此耗損程度係正貨NIKE 未曾出現過,可見A 貨用料既馬夫


AIR FORCE 1 襯衫真係好方便八搭,又舒適型仔,如果大家想入返對既話,
建議去返大型連鎖店,例如GIGASPORTS︿,MARATHON,SPORTSHO– USE 或者NIKE 專門店購買,
因為A貨既進化真係驚人,之前係網上睇過,上幾代A貨既瑕疵都一一改進,
平時少著運動鞋既朋友真係好易中蕉,希望大家睇完呢篇BLOG之後,
可以學識分辨真偽,唔好比不法商人有機可乘喇~~

最後,我終於開左個FACEBOOK PAGE,平時都會睇下我既朋友不妨LIKE 一下,

果邊既更新會快D 同密D KA,多多支持~

Comments


Leave a comment

One thought on “難分真與假- 不死經典 Nike Air Force 1 Low