無聊之霸系列 – 球鞋篇


唔知大家有冇好似筆者咁,一出雙糧就身痕?! 加上宜家周圍都有大減價,痕癢程度真係同比蟻咬冇分別~
(救命呀,唔好咬我呀,我要儲錢買樓上車)

筆者係個正宗籃球迷,中學時代已經開始打波,日打夜打,為求賺取女同學既打氣聲

開始左打工之後,盡量維持每星期都打一次波既習慣,為求阻止那條擾人既”士啤軑”攻佔我完美既身段

睇完之後,大家就會覺得我上個星期買左對籃球鞋係幾合情合理同合法 (我就係咁同女朋友求請),哈哈
不過今次介紹比大家識既籃球鞋,主要係想比大家知道宜家既波鞋發展到咩程度~

首先大家要知道宜家人類既思想同上一個年代係有少少逆線行走,例如90年代手機愈出愈細,宜家D手機就愈出愈大,大到一隻手都揸唔晒就好。同樣,籃球鞋都一樣,以前既鞋好死重,感覺好實在,宜家D籃球鞋就好鬼輕,輕到你著左都唔知。

其實買新鞋既時候我係睇左2對既: Adidas Adizero Crazy Light 同 Adidas Rose 773,2對都係以輕聞名。
Adizero Crazy Light 2 只重270克,是adidas男裝新一代的最輕的籃球鞋。 改良化的 SPRINTFRAME及SPRINTWEB 提供穩固的支撐,EVA緩衝設計可減輕著地時的壓力

大家冇睇錯,對鞋真係得270g,輕到難以想像。

大家可能會問,270g 有幾多有幾重??得我簡單解釋下:

平時旺角夾糖$4.5/ 100g = 即係你夾多過$12.2 就重過呢隻鞋 OMG
如果你食Yogurt $15/100g = 即係你連topping比多過$41
就重過呢隻鞋 Unbelievable
一包卡樂B (Calbee) MEGA Pack 薯片係 200G = 即係加多包中size 既
薯片就重過呢隻鞋 I m not kidding



Adizero Crazy Light 2個樣

Rose773籃球鞋,773是Derrick Rose (戴歷.路斯) 芝加哥地區的區號,簡單的三位數字是通向羅斯永遠的歸屬之城芝加哥的密碼。穿上承載著羅斯家鄉榮耀的Rose 773,與Derrick Rose一樣,肩負著更多的責任和動力奮勇向前。773 能夠釋放你體內的D-Rose潛能。 這款籃球鞋擁有 SPRINTWEB及SPRINTFRAME 設計,穩定性能更高。 輕盈的合成皮革鞋身,讓你有穿梭球場的高速。

Rose 773較Crazy Light 2 重61g, 即係331g 左右,依然輕如無物,感覺只係比Crazy Light 2負重多一包薯片咁上下(我真愛比,哈哈)。

睇相大家都估到我最後係買左Rose 773啦,因為個感覺實在D,腳眼腳踝腳跟都保護十足,安全感一流。
(男士們有時侯都需要點安全感吧,哈哈)

 

介紹埋比大家識 – Derrick Rose (NBA球隊Chicago Bulls -芝加哥公牛既主力控球後衛)

今次除左想介紹對好輕既籃球鞋比大家之外,重要提提大家要做適量既運動,就算唔可以日日運動30分鐘,都要KEEP住係周未做適量既運動,始終工作為生活,沒有健康的話,就享受唔到生活喇~~

最後,我終於開左個FACEBOOK PAGE,平時都會睇下我既朋友不妨LIKE 一下,
果邊既更新會快D 同密D KA,多多支持~

Comments

Leave a comment