揀手機,揀邊間?! 睇完呢篇就識揀 (HTC, LG,Sony 同 Samsung)


隨住智能電話smartphone的普及,愈來愈多品牌都會推出相關產品,近幾年,好多國內品牌都冒起頭來(如小米 Xiaomi,華為 Huawei,魅族 Meizu,中興 ZTE,OPPO 等等等等等等),而且質素愈來愈好,但香港人,有幾多個真係識分析邊個牌子好丫,而且高階智能電話都係一種奢侈品,所以,無論個市場點變,都係大品牌市場既天下,宏觀所有生產商,最Top 既一定離唔開  HTC, LG,Sony 同 Samsung (Sorry ,用開Android用唔返Apple iPhone,所以不予致評蘋果產品,哈哈。)

誘使我要寫呢章文章既原因,係早幾日入手左部HTC ONE M8,滿心歡喜將舊機既資料過落去新機度,再將皇額娘部手機既資料過落我舊機度,等大家都有新機用(不孝子呢D危險動作,小朋友唔好亂學)。一輪大龍鳳之後, 部M8用左1日後,個相機就有問題,黑屏彈APP,OMG,第2日即刻去維修中心整機。

上去維修中心after sales service centre,心情當然唔太好,但HTC既客服服務實在唔錯,既然我講手機硬體都冇人聽得明既話,不如我試下用售後服務去評論下呢Top 4手機龍頭,等大家買手機既時候都多D野參考。

(微博圖片)

註:以下為過去一年個人經驗所集成,並以主觀評論…所以只供大家參考而已
HTC

 

 

 

 

頭先講開HTC,就繼續講埋先。HTC維修中心係旺角九龍行,特約服務站係觀塘APM,同時有特約手機收集點於銅鑼灣恆隆中心,尖沙咀加拿芬廣場同埋上水廣場。而今次維修去左九龍行,面積算小,但五臟俱全,有飲品供客人享用。可能我平日去,人流唔多,客服人數亦唔多,等候時間不長。與客服交談過程中,服務態度良好。由於零件缺貨,維修時間太約3-4個星期,故客服主動查詢維修期間我會否有後備手機使用,後安排一台不算太舊既Butterfly S免費提供使用。接著再詢問我是否需要使用送機服務(即係整好部機速遞比你),印象中只有HTC提供此服務,太貼心了吧。但智能電話呢類FMCG高速消費品週期只有9至12個月左右,一個月的維修時間就相對難接受了。更可惜是Butterfly S 果一代手機相機鏡頭都有紫光問題(HTC One M7都有),且訊號經常自動掛掉,用家經驗會打折扣呢。後備機用左2個星期,愛找麻煩的我當然如實反映給HTC,想不到他們竟然提出更換替代機,而且是更新的型號One Max,未玩過呢部機既我當然欣然接受,又多部手機玩wo,HTC的服務實在難令人發難。維修攞機之後幾日,客服甚至會打黎問下宜家手機狀況,呢D服務邊度搵吖。

借用的Butterfly S

相機鏡頭有嚴重紫光問題,唔洗用黎影相

超巨型的HTC MAX,可惜我對大mon機已經冇咩興趣

Samsung



 

 

 

三星維修中心位於尖沙咀國際廣場Isquare,旺角朗豪坊同埋銅鑼灣銅鑼灣廣場。上次我光顧的就是Isquare的那間,一入去,嘩,面積超大,客服超多,排隊既人重多。今次碰上的的問題係手機升級後用不了數據分享功能,排隊花了大約30-45分鐘,客服態度還可以,過程中,客服雖然用了不同電訊商的SIM咭作測試,情況都一樣,咁唯有放下比維修師傅檢查,檢查速度超快,手機只需放下一小時檢查維修,但重點係維修後問題並未解決,客服之後一個直線將個波傳比電訊商,話檢查晒冇問題,唔關佢事,應該係電訊商做了新設定(但我返到屋企用其他手機無問題Wo,而係部手機於第2-3個軟體升級後,呢個功能又出返黎,即係你地問題三叔,瀉膊)。其實維修現場媽聲四起,用戶情緒高漲有如反政改一樣。

就像我旁的女士,保養期完前一個月發現手機有異常,經常自動重啟,但維修師傅稱一切正常。一個月保養過後,女士手機死機黑屏,維修師傅稱底板已死,愛莫能助,更換要大約2千大洋,重貴過買過部,聽到維修價錢,小姐變身超級撒亞人,瘋狂向客服發砲,不滿上一次有狀況的時候為何檢查不出來,加上失去手機內有珍藏相片等等等。作為消費者,我覺得呢位女士好無辜,話晒於保養期內有問題已經攞左去整,三星查唔到有咩問題其實都好有責任,但相片已經無法復元,非常可惜。由此可見,三星既產品同維修質素都唔係咁好。
LG

 

LG維修手機只有一個服務中心,位於旺角周大福商業中心,即潮流特區。呢個品牌比人既感覺都係易壞,但聽網友講佢地最近年水準大有進步,便大膽入手一台智能手機給皇太后。手機除左有時會自動關機外,問題在於運行速度,在手機用左半年後,四核手機在推動一部咩都冇安裝既手機顯得十分吃力。由於運行速度實在慢得難以忍受,所以把手機帶到維修中心作檢查。今次去左旺角潮流特區既維修中心,面積和客服人數都可以,服務態度都可以,中午時候放下手機翌日可以取回。維修結果係,維修師傅稱手機沒有問題,只幫我重設手機並將手機軟體升級到最新版本,但升級之後手機除左運行得更加慢之外,耗電量也跑快很多,真係冇野講,但工作人員又唔比downgrade 返上一個version,除左中指暗暗升起,還能幹麽。用多一排真係慢到頂唔順,連打電話都有問題,用多一陣就真係頂唔順放棄左部機。LG R&D寫UI 真係要比D心機,有好既配備,冇好既UI,好手機都會被廢武功,宜家連最新既G3 就算用上最高配備,RUN起黎都係LAG既,LG 真係要加油,唔好比Samsung獨大。

Sony



 

 

 

 

 

Sony索尼維修點分別位於旺角銀城廣場同埋銅鑼灣東角中心,上水上水廣場就有個手機收集站。其實Sony既QC一向都好有問題,識買Sony既產品,一定唔可以第一水買(無論係Xperia,playstation 都係),因為一定一定有問題。不過,消費者係心急既,好多時都為新鮮感而死衝,高手都有失手既一天,就係咁,我又有機會去感受下Sony 既維修服務。壞既手機就係第一水機,新機買返黎用左一排就黑屏死機,所以去左旺角維修中心檢查。旺角維修中心面積都大,但人數亦多,周未上去等待時間約30分鐘。去到同客服交待手機問題之後,客服未比維修師博之前,就已經知道問題所在,感覺係已經好多人同我一樣,上左黎報告同樣問題,令客服早有準備。可能維修人數太多,手機既零件已經沒有庫存,要放下幾天等待。話雖維修時間需要幾天,但客服都沒有主動查詢有否需要替用機,反映客服未夠細心,幾天沒智能電話用,香港人係用有生命危險的,而且,香港人購入新機都會以trade-in形式,真係唔係太多人會有後備機。之後上網睇過D討論區,網友們指出旺角客服中心係外判形式,故服務質
素未必有保證,如果大家有需要去做維修的話,去銅鑼灣既服務中心會較穩陣。

 

綜合而言,其實去得維修中心即係部手機有問題,用家既心情一定係唔好,所以客服既任何一個細節都會對客人有極大反饋。但做零售既都知道,售前吸引新客戶只是一個開始,要留住客人得到客戶長期信任及消費,售後服務先係重點,不過呢一環都係一般廠商所忽略。就以上幾間廠商黎講,個人比較偏好HTC的售後服務,因為好既廠商永遠贏在細節,HTC就係連替代機及快遞手機服務都有,而且服務態度良好,維修後會有人再聯絡跟進,其餘廠商就未至於差但也談不上好。希望呢篇文章係大家選新手機既時候,多一個角度去考慮,話晒宜家D手機咁貴,買錯左真係好唔抵。

 

有時間既話,歡迎大家到我個Facebook Page 參觀下
可以既話,順手比個Like 我個Page支持下啦,
感謝感謝

Comments

Leave a comment